Contido popular
Título | Resumo | ||||||||||||||||
---|---|---|---|---|---|---|---|---|---|---|---|---|---|---|---|---|---|
Día mundial sen tabaco |
O 31 de outubro o alumando de 5º e 6º de Educación Primaria do CEIP Plurilingüe Manuel Sueiro realizou o obradoiro “Día galego sen tabaco”. O obradoiro estivo dirixido por María Eva Padrón Lloves, enfermeira do Centro de Saúde de Valle Inclán en Ourense. Neste obradoiro explicáronlle que O Día Mundial Sen Tabaco celébrase en todo o mundo o 31 de maio de cada ano. Esta celebración anual informa o público acerca dos perigos que supón o consumo de tabaco, as prácticas comerciais das empresas tabacaleras, as actividades da OMS para loitar contra a epidemia de tabaquismo, e o que as persoas de todo o mundo poden facer para reivindicar o seu dereito á saúde e a unha vida sa, e protexer ás futuras xeracións. A Asemblea Mundial da Saúde instituíu o Día Mundial sen Tabaco en 1987 para chamar a atención mundial cara á epidemia de tabaquismo e os seus efectos letais. A celebración deste día é unha oportunidade para destacar mensaxes concretas relacionadas co control do tabaco e fomentar a observancia do Convenio Marco da OMS para o Control do Tabaco. O obradoiro contou con dinámicas de grupo no que obxectivo e concienciar ao alumnado do pernicioso que é o consumo de tabaco así como mellorar o autoconcepto e a autoestima do alumnado para saber dicir que non. |
||||||||||||||||
Celebración do Día de Rosalía en 2º EP |
Celebración do Día de Rosalía en Segundo de Primaria! Na semana do Día de Rosalía, os nenos e nenas de segundo de educación primaria levaron á práctica na súa aula as propostas da Asociación de Escritores e Escritoras en lingua Galega (AELG) relacionadas co legado literario desta destacada figura da nosa cultura. Nesta ocasión, a celebración centrouse no traballo na aula de varias estrofas do libro "Cantares Galegos" de Rosalía de Castro. O alumnado tivo a oportunidade de mergullarse na riqueza da súa poesía, explorando a profundidade dos seus versos e comprendendo a importancia da súa contribución á literatura galega. As actividades propostas pola AELG permitiron aos nenos e nenas conectar co universo poético de Rosalía dunha maneira lúdica e educativa. Desde a lectura de fragmentos seleccionados, ata o recitación e gravación en vídeo das estrofas traballadas. Os nenos e nenas demostraron un gran interese e entusiasmo por descubrir máis sobre esta emblemática escritora. Este actividade serviunos para fomentar o amor pola literatura galega e promover a creatividade e a aprendizaxe na aula. |
||||||||||||||||
Actividade de relaxación e preparación mental para o alumnado de primeiro ciclo |
A actividade comezou cunha breve introdución sobre a importancia da relaxación e a concentración antes da lectura. Os estudantes foron guiados pola mestra María, experta en mindfulness e ioga, que os leva a través de exercicios destinados a calmar a mente e reducir o estrés, proporcionando un espazo tranquilo e receptivo para a posterior actividade lectora. Durante a sesión de mindfulness, os nenos e nenas participaron en prácticas e exercicios de respiración consciente para centrar a súa atención no momento presente. Estas técnicas axudan a disipar calquera ansiedade e crear un ambiente propicio para a concentración, preparando así aos lectores novos para mergullarse nas historias que explorarán máis tarde. A continuación, as sesións pasaron á práctica de ioga, onde introducimos os estiramentos suaves e posturas que fomentan a relaxación e a flexibilidade. A combinación destas prácticas físicas e mentais proporcionou ao alumnado as ferramentas necesarias para liberar a tensión e mellorar a súa preparación para a actividade lectora. Tras a sesión de relaxación, os nenos e nenas volveron ás súas cadeiras, onde se mergullaron na lectura de contos especialmente seleccionados para captar o seu interese e espertar a súa imaxinación. A tranquilidade e o enfoque acadados durante a actividade de relaxación reflectiuse na participación activa e o evidente goce do alumnado ao mergullarse nos seus libros. O Club de Lectura está orgulloso de ter creado un espazo onde se celebra e fomenta a conexión entre a mente e a lectura. Esta actividade non só prepara ao alumnado de primeiro ciclo para a lectura dun xeito único e eficaz, senón que lles proporcionou valiosas ferramentas para afrontar futuras sesións de lectura cunha mente aberta e tranquila. Este evento é só o comezo dunha serie de iniciativas destinadas a enriquecer a experiencia lectora do noso alumnado. O Club de lectura espera seguir explorando novas formas de fomentar o amor pola lectura e a atención plena entre o alumnado lector da nosa comunidade escolar. |
||||||||||||||||
Hora de ler de 5º de Ed. Infantil |
A configuración da hora de ler na aula de 4º Educación Infantil foi realizada pola titora pola titora Nair Calvo Ríos cos seguintes obxectivos: Obxectivos:
Actividades:
1º TRIMESTRE:
2º TRIMESTRE:
|
||||||||||||||||
Libros que van e veñen 2023/2024 |
Mochilas de Contos para Nenos e nenas de Ed. Infantil A partir do mes de setembro, os nenos e nenas de Educación Infantil tiveron a oportunidade emocionante de levar a casa as súas mochilas especiais de contos todos os venres. Cada mochila inclúe un conto encantador e un caderno para debuxar baseado na historia. Esta iniciativa, chamada "Libros que van e veñen", permite que o alumnado comparta experiencias literarias únicas coa súa familia e tamén coñezan un pouco máis sobre o mundo da escritura e a arte do debuxo. A idea é simple: os nenos e nenas levan unha mochila a casa, desfrutan dun conto durante o fin de semana e fan un debuxo sobre a historia no caderno proporcionado. O proceso é o seguinte: as mochilas deben ser devoltas os martes ou mércores da semana seguinte, cando se cambiarán os contos. Durante a semana, revisamos os cadernos cos debuxos feitos na casa. Os nenos e nenas teñen a oportunidade de compartir os seus debuxos co grupo e contar o que máis lles gustou do conto. Esta iniciativa busca fomentar a paixón pola lectura e a creatividade desde idades temperás, ao mesmo tempo que fortalece os lazos entre o fogar e a escola. Estamos entusiasmados por ver a creatividade dos nosos pequenos artistas e o seu entusiasmo polos contos. Agradecemos a colaboración dos pais e dos encargados no fomento desta nova aventura literaria. Estamos seguros de que "Libros que van e veñen" é unha experiencia enriquecedora para todos e todas.
|
||||||||||||||||
HORA DE LER. 6º EDUCACIÓN PRIMARIA. |
A hora de ler realízase todos os días, de 12:00 a 12:20 horas e a súa configuración está deseñada pola titora Eva Vidal Ferro (3 sesións) e por María Concepción López Martínez (2 sesións). Aínda que moitas das sesións deste curso tamén contamos coa inestimable colaboración da responsable de biblioteca. Nas diferentes actividades que se fixeron procuráronse cubrir os diferentes gustos do noso alumnado, polo que buscamos que as lecturas e as actividades ao longo do curso fosen variadas en contidos, xénero, tipoloxía e complexidade. Para isto utilizamos diferentes soportes: impresos e electrónicos (libros de lectura propiamente ditos, prensa, libros de consulta, cómics, folletos, obras de teatro, Internet… tanto en galego como en castelán. • Castelán: La vuelta al mundo en 80 días. Ed. Almadraba. O Club de lectura de 6º curso de Educación Primaria traballou o libro durante o mes de setembro e outubro. O libro Trata sobre o cabaleiro inglés Phileas Fogg quere demostrarlle á sociedade do seu tempo (1872) que se pode dar a volta ao mundo en só 80 días. Durante a viaxe, Fogg e o seu servo Passepartout teñen que loitar contra todo tipo de obstáculos e, sobre todo, contra o paso do tempo. Este libro foi a escusa perfecta para que o alumnado de sexto sentise curiosidade pola vida no século XIX, polas diferencias culturais en todo o mundo, polos fusos horarios e o seu funcionamento, polos medios de transporte e a súa evolución ao longo da historia... e mesmo polos debuxos animados que vían os seus pais e a súa titora cando eran coma eles. Os medios tecnolóxicos facilitáronnos descubrir todo isto... a continuación deixámosvos dous enlaces que empregamos ao longo da nosa lectura. As actividades que realizamos foron as seguintes:
• Galego: Obra de teatro “SuperLeo e os personaxes máxicos”.(Día das Bibliotecas). Este ano, como os maiores do colexio, tocounos levar o peso da celebración do Día das Bibliotecas Escolares, o 25 de outubro. Pero para que esta festa puidese ser posible os nenos e nenas de 6º dedicáronlle moitas sesións de lectura a memorizar e a ensaiar a obra que escribiu para eles a responsable da nosa biblioteca. Despois chegaría o momento, tan esperado, de vestir os traxes dos seus personaxes literarios favoritos, desde Harry Potter ata os protagonistas dos contos clásicos, dando vida ás historias que lles gustan. O ambiente estaba cheo de maxia e aventura, e a ilusión polos libros estaba no aire. As actividades deste día comezaron a primeira hora da mañá coa representación da obra titulada “Superleo e os personaxes máxicos” na que dunha forma lúdica e divertida ían inculcando nos nenos e nenas a formación de usuarios. A xornada culminou cun concurso no os protagonistas da obra ( os nenos e nenas de 6º EP) ían facendo preguntas ao público infantil sobre diversos aspectos do funcionamento da biblioteca. A celebración do Día da Biblioteca Escolar no CEIP Manuel Sueiro non só promoveu a importancia da lectura, senón que reforzou o vínculo entre a comunidade escolar e a biblioteca. • Castelán: Folletos/ trípticos publicitarios elaborados polo propio alumnado. Cando planificamos a organización da hora de ler tiñamos claro que un dos obxectivos ía ser fomentar o gusto pola lectura e, para logralo, iamos ler en diferentes formatos e soportes. O que nunca pensamos é que os nosos alumnos e alumnas de 6º de EP serían capaces de crear eses propios documentos con tanta calidade. A finais do primeiro trimestre cada neno e nena elixiu un tema do que era “experto”, ampliou a información que tiña, organizou o seu tríptico, decidiu como escribilo (se a man ou con ordenador) e creou un folleto que máis tarde lle presentou ao grupo clase. Desde entón todos os trípticos presiden o corredor do colexio baixo o lema (elixido democraticamente) : “¿Qué quieres aprender hoy?”.
• Galego: Segredos Soterrados. Xabier Domínguez Pérez e Alba de Evan Freijedo. Ed. Xerais. O Club de lectura de 6º curso de Educación Primaria traballou o libro durante o mes de xaneiro e febreiro. O libro relata unha aventura nun campamento de Muiños (Ourense) nos traslade a principios do século XX e remova nas nosas mentes o aprendido no primeiro trimestre sobre a II Guerra Mundial. Pois isto foi o que lograron os seus autores ao escribir a historia de Anxela, Sabela, Jorge e a “especial”gata Morriña. Os protagonistas deste libro conseguiron que nos mergullásemos nunha trama onde se entrelazaron os intereses económicos e corruptos dunha poderosa multinacional, coa defensa do medio ambiente e coa presenza nazi en Galicia. Unha trama que lle encantou aos nosos lectores de 6º e na que afondamos grazas ao Kahoot que crearon os nosos compañeiros de 5º EP e do encontro que tivemos cunha das súas autoras: Alba De Evan. Este foi un dos libros que máis nos gustou este ano. • Galego: O destino de Kameko de Abel Alves Ed. Aira. O Club de lectura de 6º curso de Educación Primaria traballou o libro durante o mes de marzo. A iniciación no universo da banda deseñada en galego chegou a sexto a través do libro “O destino de Kameko” do escritor Abel Alves e con Jorge Campos como ilustrador. Este libro naceu nunha “fabrica de soños nada en Allariz”: Aira editorial, unha desas xoias coas que contamos en Ourense e que as veces non valoramos o suficiente. A historia de Chiharu, unha moza orfa, salvada da morte por unha misteriosa guerreira, cativou aos nenos e nenas de sexto. Eles tan acostumados ao mundo do “manga”, á cultura do Xapón e ó mundo oriental, explicáronlle a esta titora as reviravoltas desta obra... Quen era a nena que levaba sempre unha tartaruga no alto do cocorote? Por que quere apreixala o máis despiadado asasino do imperio? Eles axudáronme a entender esta banda deseñada e eu, como agradecemento, ensineilles os debuxos animados máis orientais e orixinais da miña época e recomendeilles os “mangas” baseados neles: “O doutor Slump e Arale”. Este libro foi outro acerto na nosa selección, non só porque gozaron moito léndoo senón porque lles deu ás para realizar os seus propios cómics. • Galego: “Miña casiña, meu lar” de Rosalia de Castro (poema) convertido en banda deseñada. Continuamos coa lectura en todos os xéneros e formatos. Agora, aproveitando a iniciativa da Fundación Rosalía de Castro conmemoramos o día da escritora, o 23 de febreiro, para lermos o poema “Miña casiña, meu lar” de Follas Novas, no que unha muller pobre conta un capítulo da súa épica diaria: a de sobrevivir. Esta muller que vén de Santiago a Padrón e chega á casa mollada e esfameada, a pesar de que carece de todo e de que os seus avaros veciños lle negan o que lles sobra, consegue o milagre da supervivencia: facer un humilde caldo de gloria e un bolo do pote. • Galego: obra de teatro: “Leo chega do espazo”. Os alumnos de sexto volvéronse a converter en actores e actrices neste terceiro trimestre. Tiveron que dedicar moito tempo e esforzo para memorizar e ensaiar a obra escollida para conmemorar o Día do Libro. Esta vez para representaron: ” Leo chega do espazo”, unha obra adaptada e dirixida polo equipo de biblioteca, que narra a historia dun libro espacial que, perdido e triste, chega ao noso planeta. Ao chegar, atópase co Libro de Rexistro da biblioteca do CEIP Manuel Sueiro, que se converte na súa guía neste novo mundo. A través dunha viaxe máxica polas instalacións da biblioteca, Leo descobre a organización do espazo, a clasificación dos fondos documentais e a gran variedade de libros que ten á súa disposición. A obra, chea de humor e valores como a amizade, a curiosidade e o amor pola lectura, foi un completo éxito. Representouse en varias funcións ao longo do Día do Libro para que todo o alumnado puidese gozar con ela. • Castelán e galego: contos do apadriñamento lector para o día do libro. • Galego: “A Balada dos Unicornios” de Ledicia Costas. Ed. Xerais. O Club de lectura de 6º curso de Educación Primaria traballou o libro durante o mes de maio. Non podía rematar o curso sen lermos algo da escritora por excelencia na actualidade da narrativa infanta-xuvenil en Galicia. Sí, a mesma, Ledicia Costas. Esta vez escollemos o libro a “Balada dos Unicornios” da ed. Xerais. A obra transcorre na Escola de Artefactos e Oficios, onde os mozos e mozas máis brillantes son capaces de crear casas motorizadas, sombreiros voadores e outras proezas abraiantes. Ágata McLeod é unha das mellores alumnas, pero hai moitas cousas que descoñece da institución... e do seu pasado. A inventora terá que viaxar á orixe do mundo nunha travesía ateigada de aventuras e perigos. Fantasía e ciencia mestúranse nunha loita sen cuartel que enfronta corvos e unicornios. A verdade é que dende o inicio a historia esta tan chea de intrigas que os nosos nenos e nenas de sexto estiveron a piques de perderse. Pero unha lectura ao aire libre e en contacto coa herba fresca foi suficiente para reconectalos co que Ledicia lles quería contar. A ver se deixa de chover e podemos repetir a experiencia! |
||||||||||||||||
HORA DE LER. PLURILINGÜISMO. |
MEMORIA PAL 2023-2024. ÁREA LINGUA ESTRANXEIRA. As liñas de acción programadas ao inicio do curso tomaron forma tal e como se describe a continuación: II.1.- Promover a lectura. |
||||||||||||||||
Celebración da semana da ciencia en Galego |
Éxito rotundo na celebración do Día da Ciencia en Galego no noso Centro Educativo. O pasado martes 28 de novembro de 2023 o noso centro educativo sumouse á celebración do Día da Ciencia cunha xornada chea de aprendizaxe e diversión en lingua galega. Este evento, que busca promover a difusión do coñecemento científico, contou coa destacada participación do profesor de química e valioso membro da nosa comunidade educativa, David Bruzos. Alumnado de todas as idades tiveron o privilexio de gozar de tres fascinantes obradoiros impartidos polo experimentado profesor Bruzos. O obxectivo principal da iniciativa era incidir na difusión do coñecemento científico na nosa lingua galega, fomentando así o interese pola ciencia dun xeito próximo e accesible. Durante o día, o alumnado mergullouse nun mundo de cores e luces, explorando de xeito lúdico as bases de diversos fenómenos físicos e químicos. A creatividade e a curiosidade uníronse nun ambiente de aprendizaxe único, onde os nenos e nenas científicas participaron activamente en experimentos que non só estimularon a súa mente, senón que tamén lles proporcionaron unha experiencia práctica e memorable. O profesor David Bruzos, co seu enfoque dinámico e participativo, conseguiu captar a atención do alumnado, aclarando dúbidas e potenciando o espírito investigador en cada un deles. Os obradoiros foron deseñados para adaptarse aos diferentes niveis educativos, garantindo que todas as persoas participantes puidesen gozar e aprender segundo os seus coñecementos e habilidades. A comunidade educativa mostrouse entusiasmada e satisfeita con esta iniciativa, destacando a importancia de contar con actos que reforcen o vínculo entre a aprendizaxe e a lingua galega. O Día da Ciencia en Galego converteuse así nun fito memorable no noso centro educativo, subliñando o noso compromiso coa excelencia académica e a promoción do coñecemento científico na nosa lingua materna. Agradecemos a todas as persoas participantes, especialmente ao profesor David Bruzos, por contribuír ao éxito desta celebración do Día da Ciencia no noso centro educativo. Estamos ilusionados por seguir potenciando o amor pola ciencia e a aprendizaxe en lingua galega en futuras iniciativas educativas. Ata a próxima celebración científica! |
||||||||||||||||
Concerto de Daniel Minimalia |
Celebramos a visita de Daniel Minimalia, primeiro galego en gañar un Grammy Latino O pasado xoves 25 de abril, o CEIP Manuel Sueiro tivo o honor de recibir a Daniel Minimalia, quen fixo historia ao converterse no primeiro galego en gañar un Grammy Latino polo seu álbum instrumental. Durante a súa visita, Daniel cautivounos coa súa música, acompañado da súa inseparable "mellor amiga": ¡a súa guitarra! Ademais de deleitarnos coa súa arte, Daniel compartiu cos nosos estudantes detalles fascinantes sobre a súa carreira e paixón pola música. Dende unha idade moi nova, a música foi a súa paixón, e todo o que logrou é o resultado dun traballo duro e dedicación. Daniel tamén nos ensinou a importancia de aprender dos fracasos para madurar e crecer como artistas e como persoas. Unha das leccións máis poderosas que Daniel nos deixou foi a idea de que a música é un poderoso medio de comunicación que transcende as palabras, chegando directamente ao corazón de quen a escoita. Como unha sorpresa emocionante, un dos nosos propios alumnos tivo a oportunidade de compartir o seu talento musical tocando a guitarra, inspirando a todos coa posibilidade de que entre nós poida estar o próximo gañador dun Grammy. Esperamos que esta experiencia inspire ao noso alumnado a soñar en grande e a perseguir as súas paixóns con determinación e dedicación. Grazas, Daniel, por compartir o teu arte e a túa historia con nós! |
||||||||||||||||
Campaña crecemento saudable |
A Educación na saúde dos ourensás é a preocupación constante da Concellería de Educación, que conta coa colaboración da fundación SHE que preside o prestixioso cardiólogo Valentín Fuster. Un dos nosos obxectivos é darlle continuidade ao seu proxecto Saúde Integral SI! apostando por unha alimentación saudable, para que os nosos nenos/as adquiran bos hábitos desde as aulas, que leven ás súas casas, e que lles axuden a estar mais sans no futuro. Como é imprescindible coñecer os problemas para comprendelos e darlles solucións, este programa complementarémolo cunha proposta coa que pretendemos que os nenos/as, ademais de descubrir os beneficios das froitas, gócenas nos seus distintos sabores e composicións para que sexan conscientes de que na variedade está a salubridade. Dita proposta deriva nunha campaña de reparto de froita aos centros, o que nos permitirá ir un pouco máis alá nos obxectivos plantexados: promover eses bos hábitos mediante a información e a educación á poboación infantil. O CEIP Plurilingüe Manuel Sueiro participa na Campaña de crecemento saudable organizada pola Concellería de Educación de Ourense repartindo, este venres 24 de novembro de 2023, entre o alumnado froitas de tempada como son os plátanos, manzá e mandarinas. |
||||||||||||||||
Producións de materiais na biblioteca no curso 2023/2024 |
Todo o traballo realizado ao longo do curso está reflectido na nosa aula virtual nun curso que creamos para o Seminario "Tecnoloxías da aprendizaxe e o coñecemento, currículo, biblioteca e recursos web. 23/24". https://www.edu.xunta.gal/centros/ceipmanuelsueiro/aulavirtual/course/view.php?id=183 Material en papel:
Ligazóns a traballos elaborados na rede: DRUPAL:
Libros actualizados:
Presentacións:
Genially:
Kahoot:
Vídeos: Galería de imaxes: SOUNDCLOUD: H5P:
MOODLE. Cursos. |
||||||||||||||||
Garavanciño come saniño |
Na semana do día mundial da alimentación realizamos no noso centro dúas dos obradoiros destinados a inculcar no alumnado hábitos saudables de alimentación na liña recomendada polos obxectivos de desenvolvemento sostibles da axenda 2030. Un equipo de persoal do Sergas de Ourense dirixiu estas actividades coa finalidade de incidir nos estilos de vida dos nenos e nenas, xa que estes xogan un papel fundamental na saúde das persoas. Por iso, para facer cambios cara uns hábitos máis saudables é preciso convertelo nun acto consciente, xa que o coñecemento, as emocións e as habilidades xogan un papel decisivo. Os estilos de vida, e neles a conduta alimentaria saudable e o exercicio, teñen enormes beneficios no benestar e na prevención da enfermidade, coa vantaxe de ser factores modificables, por elo é clave integralos na aprendizaxe dos nenos e nenas. No primeiro obradoiro participou o alumado de Ed. Infantil e 1º de EP. Posteriormente repetiuse a actividade co alumnado de 2º e 3ºde EP. Neles os nenos e nenas aprenderon de forma lúdica e participando activa a elaborar un menú saudable.
|
||||||||||||||||
Novos colaboradores/as na biblioteca |
Novo alumnado colaborador na biblioteca! A biblioteca do colexio enorgullécese en presentar aos seus novos colaboradores e colaboradoras de sexto curso de educación primaria. Estes alumnos e alumnas demostraron un gran interese pola lectura e o bo funcionamento da biblioteca, e comprometéronse a axudar en diversas tarefas como:
Para recoñecer o seu compromiso, o alumnado colaborador recibiu un novo distintivo: un chaleco co logo do colexio e o da mascota da biblioteca, Superleo. Este chaleco identifícaos como persoas colaboradoras e permíteos ser facilmente recoñecidos polas persoas usuarias da biblioteca. Desde o equipo de biblioteca estamos moi contentos coa colaboración deste alumnado. O seu entusiasmo e dedicación son un gran exemplo para o resto do alumnado. Os alumnos e alumnas colaboradoras están moi ilusionadas coa súa nova responsabilidade. Encántalles poder axudar á xente a encontrar libros que lles gusten. A biblioteca do colexio anima a todo o alumnado que estea interesado en colaborar a que se poñan en contacto coa responsable da biblioteca. Esperamos contar con moitos máis colaboradores no futuro. |
||||||||||||||||
Obradoiro de Compadres e Comadres |
Obradoiro de elaboración de Compadres e Comadres Co espírito de manter vivas as tradicións e fomentar o compañeirismo, organizamos un emocionante obradoiro de elaboración de compadres e comadres en preparación para o Xoves de Comadres e Compadres que se celebrará na Praza Maior de Ourense. O obradoiro, que tivo lugar na biblioteca do colexio, reuniu a nenos e nenas, profesores e persoal nun ambiente cheo de creatividade e camaradería. Con materiais coloridos e a guía experta dos monitores do Concello e das nosas mestras e mestres, os participantes mergulláronse na tarefa de confeccionar os típicos compadres e comadres, símbolos emblemáticos desta festa tan querida na nosa cidade. O alumnado, emocionado pola oportunidade de aprender máis sobre esta tradición local, mostraron grande entusiasmo e habilidade na creación dos seus propios compadres e comadres. Á medida que lles daban forma a estas figuras, tamén compartían historias e recordos asociados co Xoves de Comadres e Compadres de cursos pasados, fortalecendo así os lazos de amizade e comunidade no noso colexio. Este obradoiro non só foi unha ocasión para aprender e divertirse, senón tamén unha oportunidade para promover o orgullo polas nosas raíces culturais e tradicións locais. Os compadres e comadres elaborados durante esta actividade serán levados con orgullo polos nosos nenos e nenas para participar nas festividades do Xoves de Comadres e Compadres na Praza Maior de Ourense, onde serán parte dunha celebración chea de alegría, música e tradición. No CEIP Manuel Sueiro estamos comprometidos en preservar e celebrar as nosas costumes locais, e este taller de elaboración de compadres e comadres é só un exemplo máis da nosa dedicación a enriquecer a experiencia educativa dos nosos estudantes a través do coñecemento e o respecto polas nosas tradicións. ¡Esperamos ver a todos na Praza Maior para celebrar xuntos esta festa tan especial!
|
||||||||||||||||
LOS HOMBRES NO PEGAN |
O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como terceiro libro “Los hombres no pegan” de Beatriz Monco e Mabel Pierola da Editorial Bellaterra. O libro foi traballado o venres 24 de novembro de 2023 conmemorando o día Internacional da Eliminación da Violencia contra a muller. Este libro é unha historia que tenta chamar a atención sobre a violencia familiar e de xénero. É unha advertencia contra a masculinidade incomprendida, contra a desigualdade entre homes e mulleres, contra o maltrato doméstico, contra as estruturas de poder que permiten que as familias e as súas relacións se convertan nun terror diario, nun campo de batalla onde os máis débiles poden perder a vida. Actividade 1: Lectura Lectura colectiva en voz alta. Actividade 2: Análise das personaxes A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen centrado na violencia de xénero dentro do seo dunha familia. Actividade 3: Traballo de contidos da área de lingua O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións. Actividade 4: Ilustración O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo. Actividade 5: Elaboración da guía de lectura. O alumado realizou dixitalmente a guía de lectura deste libro. Actividade 6: Elaboración do audiolibro. O alumado realizou dixitalmente o audiolibro. Actividade 7: Concurso sobre o libro. O alumado realizou por grupos o concurso sobre a compresión do libro. Actividade 8: Kahoot. O alumado realizou individualmente a compresión do libro a través do Kahoot. EN GALEGO:
Galego: enlace
EN CASTELÁN:
Castelán: enlace
Actividade 9: Conclusión/valores Despois da lectura fixemos un mapa conceptual sobre os valores que se poden extraer da historia. https://www.edu.xunta.gal/centros/ceipmanuelsueiro/node/2326 ________________________________________ RECURSOS EDUCATIVOS PARA TRABALLAR O LIBRO ________________________________________ • Guía de lectura (castelán). Word. Pdf. • Preguntas para o concurso de lectura. Word. Pdf. • Preguntas para o concurso de lectura (castelán). Word. Pdf • Audiolibro.
|
||||||||||||||||
HORA DE LER. 5º EDUCACIÓN PRIMARIA. |
HORA DE LEER: • LIBRO 1º: “Mi nombre es Skywalker” de Agustín Fernández Paz da editorial SM. • LIBRO 4º: “Segredos Soterrados” de Alba de Evan e Xabier Domínguez da editorial Xerias. 3º trimestre: libro común a todos os nenos e nenas. • LIBRO 7º: La puerta secreta del mueso del Prado escrito por José María Plaza e editado pola Editorial EDEBÉ. O libro foi traballado ao longo de todo o curso 2023/2024. Con este libro intentamos iniciar ao alumnado dos museos, cocretamente no do Museo do Prado. https://www.edu.xunta.gal/centros/ceipmanuelsueiro/node/2493
|
||||||||||||||||
PDI curso 2023/2024 |
No noso cole, O planeta ten mellor pinta! Un proxecto cooperativo que deu continuidade ao PDI do curso 2022/2023 para traballar a Axenda 2030 ao longo de todo o curso 2023/2024. Temos o pracer de compartir o éxito do seu proxecto de biblioteca "No Sueiro, o planeta ten mellor pinta, porque traballamos xuntos a Axenda 2030". Baseado na liña de traballo proposta por Bibliotecas Escolares "UNHA BIBLIOTECA ESCOLAR EN VIÑETAS", aproveitando as posibilidades da banda deseñada na aprendizaxe curricular a maiores do goce lector. A proposta volveu a consistir nun proxecto cooperativo que implicou a toda a comunidade educativa: alumnado de todas as áreas, cursos e etapas, todo o claustro e as familias. Partindo da biblioteca, o proxecto estendeuse por todo o centro, creando un ambiente de aprendizaxe colaborativa e enriquecedora. Unha aprendizaxe integral para un futuro sostible A través de diferentes actividades, os estudantes exploraron os 17 Obxectivos de Desenvolvemento Sostible (ODS) da Axenda 2030. Leron libros, escribiron historias, crearon poemas, deseñaron carteis e realizaron presentacións multimedia, todo co obxectivo de comprender a importancia da sostibilidade e o desenvolvemento responsable. Fomentando a creatividade e a colaboración O proxecto "No Sueiro, o planeta ten mellor pinta" non só fomentou a aprendizaxe sobre os ODS, senón que tamén despertou a creatividade e a colaboración entre os estudantes. Os nenos e nenas traballaron xuntos en equipo, compartindo ideas e desenvolvendo habilidades de comunicación e traballo en equipo. Un éxito rotundo O proxecto foi un rotundo éxito, tanto pola participación da comunidade educativa como polos resultados acadados. Os estudantes adquiriron unha valiosa comprensión dos ODS e desenvolveron un forte compromiso coa sostibilidade. Ademais, melloraron as súas habilidades de escrita e comunicación, e aprenderon a traballar xuntos de maneira efectiva. Sentímonos orgullosos por este proxecto e pola súa contribución á educación para o desenvolvemento sostible. A biblioteca escolar seguirá a ser un espazo clave para fomentar a lectura, a escrita e a creatividade, e para inspirar ao alumnado a construír un futuro mellor para todos. Parabéns a toda a comunidade educativa por este gran logro! Os principais traballos realizados, ao longo deste curso, iranse plasmando nas diferentes píldoras desta entrada:
|
||||||||||||||||
O noso centro foi nominado aos premios +Deporte de La Región |
O noso Colexio Nominado aos Premios "Máis Deporte" de “La Región” É con moita ilusión e orgullo que anunciamos a candidatura do noso colexio, xunto cos centros educativos CPI Virxe da Saleta de Cea e CEIPP de Ribadavia, aos ansiados Premios "Máis Deporte" na categoría Xogade-Xunta de Galicia. Este recoñecemento pon de relevo o compromiso das nosas institucións educativas coa promoción dun estilo de vida activo e saudable entre o alumnado. A candidatura reflicte o esforzo continuo do noso profesorado, persoal administrativo e, por suposto, do alumnado que participa activamente nas actividades deportivas. Os Premios "+ Deporte" de La Región na categoría de Xogade Xunta de Galicia buscan destacar e premiar o traballo daqueles centros educativos que promoven o deporte como ferramenta integral na formación do seu alumnado. Este recoñecemento non só celebra os logros deportivos, senón tamén os valores de traballo en equipo, disciplina e superación persoal que se inculcan a través da práctica deportiva. O centro gañador darase a coñecer na Gala Máis Deporte que se celebrará o próximo 13 de decembro no Auditorio de Ourense ás 19: 00 horas. A competencia é forte, pero estamos seguros de que a dedicación e o esforzo da nosa comunidade educativa nos posicionou como dignos aspirantes a este prestixioso premio. Temos a honra de compartir esta candidatura con escolas igualmente destacadas e comprometidas coa promoción do deporte entre entre os nenos e nenas. Mentres avanzamos nesta emocionante etapa do certame, queremos expresar o noso agradecemento a todas as persoas que contribuíron a facer posible esta candidatura. Estamos ansiosos por seguir promovendo un ambiente escolar saudable e activo, e agardamos o resultado dos Premios Xogade Xunta de Galicia "+ Deporte". Grazas polo teu apoio continuo e por formar parte desta emocionante viaxe deportiva connosco! |
||||||||||||||||
Concurso exposición de froitos de outono |
Éxito creativo no concurso de Obras Artísticas de Outono. Nunha vibrante mostra de talento e creatividade, o EDL do cole, realizou un apaixonante concurso de exposicións, destacando traballos artísticos feitos exclusivamente con produtos e froitos do outono. A iniciativa ten como obxectivo fomentar a expresión artística e a conexión coa natureza durante esta época tan especial. Dende pinturas ata esculturas, estudantes de todas as idades participan activamente, xunto coas súas familias, neste evento que transforma os corredores da escola nun festín visual. A variedade de traballos reflicte a diversidade de talentos e enfoques creativos presentes na comunidade estudantil. Ao final do trimestre realizaremos a entrega de premios a todo o alumnado participante e aos mellores traballos por aínda segue aberto o prazo de presentación de traballos. Amosamos o noso entusiasmo pola participación e a calidade das creacións presentadas ata agora e destacamos a importancia de eventos coma estes para fomentar a expresión artística e o traballo en equipo entre o alumnado e as súas familias. O concurso expositivo non só reforza o vínculo entre a comunidade estudantil e a natureza, senón que deixa unha pegada duradeira na memoria de todos os participantes. Sen dúbida, este evento demostra que a arte pode ser unha poderosa ferramenta para celebrar a beleza fugaz do outono e para unir á comunidade escolar arredor da creatividade e a expresión persoal. ENTREGA DE AGASALLOS AOS TRABALLOS PRESENTADOS |
||||||||||||||||
Navegando polos océanos na Hora de ler |
Navegando polos océanos na Hora de Ler! O alumnado de 3º de primaria emprenderon unha emocionante viaxe polos océanos do mundo durante o terceiro trimestre na Hora de Ler. A través da lectura de contos, libros informativos e enciclopedias, afondaron nos conceptos máis importantes relacionados con estes fascinantes ecosistemas. Nesta aventura, descubriron a gran diversidade da vida mariña, desde diminutos peixes ata maxestosas baleas. Tamén aprenderon sobre a importancia dos océanos para o planeta e as ameazas ás que se enfrontan, como a contaminación, a sobrepesca e o cambio climático. Para facer aínda máis enriquecedora esta experiencia, os nenos e nenas utilizaron a banda deseñada como ferramenta para o aprendizaxe curricular tal e como se promove desde Bibliotecas escolares de Galicia neste curso. Esta ferramenta permitiulles organizar a información, crear mapas conceptuais e desenvolver o seu pensamento crítico. A Hora de Ler foi unha oportunidade para que os nenos e nenas esperten a súa curiosidade polo mundo mariño e se conciencien sobre a necesidade de protexer os océanos. |
||||||||||||||||
SEGREDOS SOTERRADOS |
O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como cuarto libro “Segredos Soterrados” de Alba de Evan Freijedo e Xabier Domínguez Pérez da Editorial Xerais. O libro foi traballado durante o mes de decembro de 2023, narrando unha aventura que viaxa á II Guerra Mundial e descobre a presenza nazi en Galicia, os tesouros agochados no subsolo e as tramas de corrupción que manexan o mundo. A historia comeza no campamento na que Anxela está a gozar en Muíños xunto con Sabela, Jorge e, por suposto, a gata Morriña. Mais, pronto, un misterio do pasado crúzase no camiño e dá paso a unha carreira contrarreloxo por descubrir a verdade e manterse a salvo. Que relación teñen unha mina abandonada, un avión dos Aliados e unha poderosa multinacional? Actividade 1: Lectura Lectura colectiva en voz alta. Actividade 2: Análise das personaxes A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen centrado na violencia de xénero dentro do seo dunha familia. Actividade 3: Traballo de contidos da área de lingua O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións. Actividade 4: Ilustración O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo. Actividade 5: Elaboración da guía de lectura. O alumado realizou dixitalmente a guía de lectura deste libro. Actividade 6: Concurso sobre o libro. O alumado realizou por grupos o concurso sobre a compresión do libro. Actividade 7: Kahoot. O alumado realizou individualmente a compresión do libro a través do Kahoot. EN GALEGO:
Galego: enlace
EN CASTELÁN:
Castelán: enlace Actividade 9: Encontros co autor En xaneiro de 2024 o alumnado tivo contacto cos autores do libro. Actividade 8: Conclusión/valores Despois da lectura fixemos un mapa conceptual sobre os valores que se poden extraer da historia. https://www.edu.xunta.gal/centros/ceipmanuelsueiro/node/2271 ________________________________________ RECURSOS EDUCATIVOS PARA TRABALLAR O LIBRO ________________________________________ • Guía de lectura (castelán). Word. Pdf. • Preguntas para o concurso de lectura. Word. Pdf. • Preguntas para o concurso de lectura (castelán). Word. Pdf
|
||||||||||||||||
Club de lectura de 4º de Ed. Primaria |
Ao longo do curso 2023/2024 o club de lectura de 4º de educación primaria formado por 12 nenos e nenas que traballaron os seguintes libros:
|
||||||||||||||||
Xoves de compadres |
Xoves de Compadres na Praza Maior de Ourense O xoves, 1 de febreiro, o alumnado do noso cole uniuse a outros centros educativos da cidade para celebrar o tradicional Xoves de Compadres na animada Praza Maior de Ourense. Neste evento cheo de alegría e camaradería, os nosos nenos e nenasas destacaron polo seu entusiasmo e participación activa. A Praza Maior encheuse de cor e enerxía mentres o alumnado do noso centro se unía á festividade, levando consigo os compadres elaborados con tanto esmero durante os obradoiros preparatorios no colexio. Con estes símbolos tradicionais nas mans, os nosos estudantes integráronse con orgullo nas actividades do Xoves de Compadres. Durante a xornada, os nenos e nenas tiveron a oportunidade de participar en diversas actividades culturais e recreativas organizadas na praza. Desde bailes ata coreografías, os nosos estudantes demostraron a súa destreza e alegría, compartindo momentos inesquecibles cos seus compañeiros e compañeiras doutros centros educativos. A participación do alumnado foi especialmente destacada, non só polo seu entusiasmo nas actividades, senón tamén pola súa actitude respectuosa e o seu sentido de pertenza á comunidade. A súa presenza activa no Xoves de Compadres ademais de enriquecer a celebración, reforzou os lazos de amizade e colaboración entre os distintos centros escolares da cidade. Felicitacións a todos pola súa excelente participación! A ACTIVIDADE NOS MEDIOS DE COMUNICACIÓN |
||||||||||||||||
Descubrindo o mundo de Luuume!! |
Encantadora sesión do Club de Lectura de 1º de EP. Ao longo do primeiro trimestre, o alumnado de 1º de EP mergullámonos nas páxinas de "Luuume!!!", un bonito álbum ilustrado que conta a conmovedora historia do pequeno Mixto, un personaxe que está constantemente enfadado. Esta historia, máis que unha simple narración, revelouse como unha valiosa ferramenta para promover a autoaceptación, a xestión da ira e o desenvolvemento do autocontrol nos nenos e nenas. A actividade, realizada no club de lectura e na hora de ler, contou coa participación entusiasta dos pequenos lectores, acompañados das súas mestres e amigos e amigas do cole. Xuntos, realizaron unha emotiva viaxe ao mundo de Mixto, explorando as leccións de vida que ofrece este personaxe. A historia non só capturou a imaxinación dos nenos, senón que serviu de plataforma para importantes conversas sobre emocións. Mama Pinza, Papa mestra Novelo e os seus amigos apagan o lume de Mixto e fanlle entender que enfadarse non é malo, o que non está ben é que a ira se apodere de ti. Como unha das mensaxes centrais destacouse a importancia de comprender as emocións e aprender a xestionalas. A actividade non se limitou á lectura do conto. Os participantes mergulláronse en diversas técnicas de respiración, aprendendo a manter a calma mediante prácticas de mindfulness. A actividade culminou coa creación de fermosas caixas de Luuume feitas a man, adornadas cos entrañables personaxes da historia, que engadiron un toque creativo e manual á experiencia. Como colofón desta actividade do club de lectura, o alumnado participante realizou unha emocionante dramatización do conto na biblioteca, onde os nenos e nenas de primeiro curso compartiron a súa aprendizaxe co resto dos seus compañeiros e compañeiras do cole en dúas sesións: unha para o público de educación infantil e outra para o alumnado de 2º, 3º e 4º de EP. A ilusión e a alegría reflectíronse en cada xesto e palabra, demostrando que a actividade non só foi educativa, senón tamén unha experiencia inesquecible e divertida para todos e todas. O club de lectura de primeiro ciclo segue demostrando que a combinación de literatura, emocións e creatividade pode xerar impactos positivos no desenvolvemento integral do alumnado. |
||||||||||||||||
Chocolatada de despedida |
Peche do 1º trimestre con Sabor a Chocolate e Diversión Un ano máis, o último día de clases do trimestre e, pola súa banda, do ano 2023, foi unha festa de ledicia e sabores no noso colexio, grazas á iniciativa AFA Limiar. Co obxectivo de despedir este período educativo cun toque doce e festivo, todos os membros da comunidade educativa foron convidados a gozar dunha deliciosa degustación de chocolate con churros no comedor. O ambiente festivo impregnou o colexio mentres o seductor aroma do chocolate e dos churros recén preparados encheron o aire, creando unha sensación acolledora e festiva que se estendeu a todos os presentes. A galería de imaxes recolle a esencia da xornada: risas, sorrisos e a pura expresión de felicidade nos rostros do noso alumnado. Dende os máis pequenos ata os maiores, todos se mergullou na experiencia, deleitándose co exquisito sabor do chocolate quente e dos churros. A AFA Limiar, como sempre, demostrou o seu compromiso coa creación de momentos especiais que reforzan os lazos comunitarios e xeran recordos inesquecibles. Esta iniciativa puxo o peche do cuadrimestre. A dirección e todo o persoal educativo agradecen a AFA Limiar a súa dedicación e esforzo para facer deste evento un peche inesquecible. O chocolate con churros non só alimentaba o corpo senón tamén o espírito, lembrando que a unidade e a festa son fundamentais na nosa comunidade educativa. O colexio despide este cuadrimestre e o ano con agradecemento polos momentos compartidos, de crecemento académico e persoal, e coa certeza de que o 2024 nos traerá novas oportunidades para seguir construíndo un entorno educativo enriquecedor e cheo de alegría. Boas festas e próspero ano novo para toda a comunidade educativa!! |
- « primeira
- ‹ anterior
- …
- 34
- 35
- 36
- 37
- 38
- 39
- 40
- 41
- 42
- seguinte ›
- última »