O venres celebramos o magosto con xogos, música, castañas, doces,...

E como xa ven sendo habitual cada magosto, celebramos o V CONCURSO DE DOCES ELABORADOS CON FROITOS DE OUTONO, co seguinte resultado:

1º PREMIO:

"Pedras do Deza", presentado por Roberto Agra de 6º E.P.

2º PREMIO E MELLOR PRESENTACIÓN:

"Chupa chups de mazá recubertos de chocolate e froitos secos", presentado por Lara González Moure de 6º de E.I.

3º PREMIO:

"Torta de queixo e castañas", de Federico e Alex García Insaurralde de 4º E.P e 4º de E.I.

Queremos agradecer a todos os pais e nais a súa participación e tamén aos alumnos/as de 6º a colaboración na organización.

Se queredes ver máis fotos picade na galería.

Xa quedan pouquiños días para que chegue o SAMAÍN.

O xoves día 5 de setembro ás 20:00h. (antes da de Educación Infantil),  terá lugar na biblioteca do centro unha reunión para os usuarios de comedor.

Pódense consultar aquí as listaxes de libros de textro para os niveis de Educación Infantil e Primaria para o vindeiro curso 2013-2014.

CORREXIDOS ERROS NOS LIBROS DE 1º. (RELIXIÓN E MATEMÁTICAS).

EDUCACIÓN INFANTIL

EDUCACIÓN PRIMARIA

Como colofón á nosa Semana Cultural e ao Proxecto da Idade Media desenvolvido no centro durante todo o curso, no que participaron todos os alumnos e alumnas con distintos traballos e actuacións, os alumnos e alumnas de 3º de Primaria representaron unha obra de teatro á que lle puxeron por título:

A PRINCESIÑA SOCORRO, O TROBEIRO CAROLO, O DEMO DOS CORNOS E OUTRAS HISTORIAS DO CAMIÑO.

 

Está aberto o prazo para solicitar axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, en educación secundaria obrigatoria ou en educación especial, en centros sostidos con fondos públicos da Comunidade Autónoma de Galicia, no curso escolar 2013/2014.

Para o alumnado de educación primaria e educación especial o prazo de solicitude é do 3 de xuño ao 3 de xullo de 2013, ambos inclusive.

Requisitos:

1. Ser pai/nai/titor ou titora legal do alumnado matriculado en educación primaria, educación secundaria obrigatoria ou educación especial, nun centro sostido con fondos públicos da Comunidade Autónoma de Galicia durante o curso escolar 2013/2014, e non repetir curso neste ano académico. Non obstante, o alumnado que repita 1º ou 2º de educación primaria poderá solicitar a axuda, xa que neste ciclo emprégase material que non pode ser reutilizado.

2. Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño, de subvencións de Galicia.

3. Para o alumnado de educación primaria e educación secundaria obrigatoria ter unha renda per cápita familiar igual ou inferior a 9.000 euros. Para a determinación da renda per cápita familiar terase en conta o disposto no artigo 6 da orde de convocatoria.

Unha vez presentadas as solicitudes poderán pasar a recoller os vales pola Secretaría do Centro do 26 de xuño ao 3 de xullo.

Descarga de documentos:

Orde da convocatoria.

Impreso solicitude. (Anexo I)

Están publicadas as Listaxes Definitivas de Admisión de Alumno/as.

Tamén se atopan expostas no taboleiro de anuncios do Centro e son as seguintes:

• Listaxe definitiva de admitidos e non admitidos 4º de E.I. (3 anos).
• Listaxe definitiva de admitidos e non admitidos 5º de E.I. (4 anos).
• Listaxe definitiva de admitidos e non admitidos 1º de Primaria.