Está aberto o prazo para solicitar axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, en educación secundaria obrigatoria ou en educación especial, en centros sostidos con fondos públicos da Comunidade Autónoma de Galicia, no curso escolar 2013/2014.

Para o alumnado de educación primaria e educación especial o prazo de solicitude é do 3 de xuño ao 3 de xullo de 2013, ambos inclusive.

Requisitos:

1. Ser pai/nai/titor ou titora legal do alumnado matriculado en educación primaria, educación secundaria obrigatoria ou educación especial, nun centro sostido con fondos públicos da Comunidade Autónoma de Galicia durante o curso escolar 2013/2014, e non repetir curso neste ano académico. Non obstante, o alumnado que repita 1º ou 2º de educación primaria poderá solicitar a axuda, xa que neste ciclo emprégase material que non pode ser reutilizado.

2. Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño, de subvencións de Galicia.

3. Para o alumnado de educación primaria e educación secundaria obrigatoria ter unha renda per cápita familiar igual ou inferior a 9.000 euros. Para a determinación da renda per cápita familiar terase en conta o disposto no artigo 6 da orde de convocatoria.

Unha vez presentadas as solicitudes poderán pasar a recoller os vales pola Secretaría do Centro do 26 de xuño ao 3 de xullo.

Descarga de documentos:

Orde da convocatoria.

Impreso solicitude. (Anexo I)

Están publicadas as Listaxes Definitivas de Admisión de Alumno/as.

Tamén se atopan expostas no taboleiro de anuncios do Centro e son as seguintes:

• Listaxe definitiva de admitidos e non admitidos 4º de E.I. (3 anos).
• Listaxe definitiva de admitidos e non admitidos 5º de E.I. (4 anos).
• Listaxe definitiva de admitidos e non admitidos 1º de Primaria.

Están publicadas as Listaxes Provisionais de Admisión de Alumno/as.

Ábrese un prazo de reclamación dende o luns día 20 de maio ata o venres día 24, ambos inclusive, de non estar dacordo coa puntuación obtida.

Para  máis información deben pasar pola Secretaría do Centro.

As listaxes, que tamén se atopan expostas no taboleiro de anuncios do Centro, son as seguintes:

• Listaxe provisional de admitidos  e non admitidos 4º de E.I.(3 anos).
• Listaxe provisional de admitidos e non admitidos 5º de E.I. (4 anos).
• Listaxe provisional de admitidos e non admitidos 1º de Primaria.

A partires do vindeiro venres 5 de abril  comeza o procedemento de admisión de alumnado para o curso escolar 2013/14.

Pódense consultar e/ou descargar os documentos relacionados nas ligazóns seguintes:

• DECRETO 254/2012, do 13 de decembro.
• ORDE do 12 de marzo de 2013.
• Calendario completo do proceso de admisión.
• Nota informativa.
• Postos escolares ofertados para o curso 2013/14.
  
• Zona de Influencia.
• Anexo-Impreso Solicitude de Praza.
• Anexo-Impreso Formalización de Matrícula.

Podedes ver as fotos na galería.

Como cada ano por estas datas Don Manuel e Dona Xertrudis veñen pasar o Entroido con nós. Nesta ocasión atopámolos "rexuvenecidos", parece que se adicaron a levar unha vida sa e mesmo semella que fixeron exercicio.

Cada día darannos unha consigna para que non acabemos enfariñados. Estade atentos!!!!

O venres día 8....TODOS DISFRAZADOS!!!!!!!!

LUNS 4: Algo pintado na cara. MARTES 5: Todos cun babeiro orixinal.  MÉRCORES 6: Levaremos "algo" vendado. XOVES 7: Con colares orixinais . VENRES 8: Todos DISFRAZADOS!!!!!!!!!!!. O noso Meco xa está disfrazado de "Cacharelo".

     Celebramos o Día da Paz solidarizándonos cos nenos e nenas do Sáhara e sacando todas as cousas "malas" do noso planeta.

Os alumnos do CEIP Manuel Rivero  realizaron un Belén con materiais reciclables.