PUNTO LARANXA CONTRA O ACOSO ESCOLAR

Xa temos instalado no cole o Punto Laranxa.

Trátase dun espazo físico, accesible a todas e todos, que consta dunha caixa onde calquera persoa pode depositar de forma anónima información relativa a unha posible situación de acoso ou ciberacoso escolar e, ademais, dun pequeno espazo onde iremos incorporando información adicional relacionada con esta temática.

Ademais, no menú lateral esquerdo deste sitio web, tamén está habilitado un punto laranxa virtual, onde se poderán deixar as mensaxes.

Outra das accións previstas é a constitución do Equipo ACAE (Actuación Contra o Acoso Escolar), un equipo docente encargado de levar adiante as medidas establecidas no protocolo publicado recentemente pola Consellería, con relación á detección e á intervención ante posibles casos de acoso e ciberacoso escolar.

Ademais de xestionar todas as actuacións posteriores á comunicación de feitos, este equipo encargarase da revisión diaria e filtrado das posibles denuncias depositadas no Punto Laranxa.

Aquí o acoso non ten cabida! Non cales, escoitámoste!