Plan Proxecta

Na clase de 3º de primaria fixeron, para comprobar todo o que aprenderan co proxecto de reciclaxe, un exame no que podían empregar o imán enviado entre os moitos agasallos que nos mandou Sogama para animarnos neste proxecto. 

Este ano 2013 a temática do entroido foi o noso proxecto CÓDIGO 3R. Por iso decidimos que cada ciclo se ía disfrazar dun colector distinto: 2º ciclo de infantil fomos do Colector amarelo, o 1º ciclo de primaria foi do Colector Xenérico, 2º ciclo de primaria foi do Composteiro, 3º ciclo de primaria disfrazouse do Colector azul e os mestres especialistas disfrazáronse de recolledores/as do lixo. Para a elaboración dos disfraces contamos coa colaboración das familias que nos proporcionaron os materiais de refugallo para confeccionar os traxes e mesmo en infantil fíxose un obradoiro coas familias de dous días para elaborar ditos disfraces entre familia o alumnado e as mestras.

Todos os anos inventamos unha canción para o entroido, este ano foi a Canción da Reciclaxe que se fixo a partir das mellores coplas que inventaron todas as aulas da escola. E dicir, todas as clases fixeron unha proposta con varias estrofas e finalmente, un xurado invisíbel, decideu as coplas escollidas para formar parte da canción da reciclaxe.

Ademais o Meco deste ano, que é a personaxe que representa todas as cousas malas do curso ou do ano, foi A Contaminación. Este meco foi elaborado polos nenos e nenas de 5º de primaria reutilizando materiais. O primeiro día da festa do entroido fixémoslle un xuízo ao Meco, que consiste nunha obra teatral representada polos rapaces e rapazas de 6º de primaria na que, en clave cómica,a fiscal acusou ao Meco, a contaminación, de todos os seus delitos e a avogada defensora intentou, sen éxito, que non a condenaran. Finalmente foi condenado a ser queimado ao día seguinte ao final do entroido.

O segundo día do entroido fixemos un pasa rúas do colexio, a escola infantil veciña e as familias que tamén se disfrazaron de reciclaxe coa colaboración da ANPA. No pasarúas fomos cantando a canción da Reciclaxe elaborada a partir das coplas do entroido. 

Nesta ligazón tendes toda a nova dende a páxina principal da nosa escola.

Tamén por estas datas, iniciando o proxecto, elaboramos unha exposición sobre que tipo de lixo vai en cada colector. E para que fose o máis claro posíbel utilizados o lixo de verdade, agás no caso do composteiro, que, ao ser todo orgánico utilizamos fotografías.

Tamén en infantil fixemos unha exposición semellante, pero neste caso tratouse dun mural cos nosos amigos os colectores aos que lles puxemos un nome propio. No mural tamén colocamos o lixo real que vai en cada un deles, agás no caso dos residuos organicos que os colorearon os nenos e nenas.

Nesta ligazón tendes todas as fotos.

Antes de iniciar o noso Proxecto CÓDIGO 3R na clase de 6º de infantil xa contábamos cun Obradoiro Semanal de Medioambiente. Unha das primeiras actividades que fixemos foi decorar estes colector para tapóns de plástico. Esta ligazón lévavos ao artigo na nosa web de infantil.

Dende as aulas de Infantil decidimos que para achegar a nenos tan pequenos aos colectores do lixo dotámolos dun nome e unha sinxela personalidade. Así o colector amarelo chámase Plastichín e é un colector chinés moi simpático. Cartúnez e o colector azul e é bastante serio e refinado. Comellón e colector xenérico e é moi goloso. Vidriolo é un colector marciano, por iso ten só un ollo. Finalmente o Composteiro chámase igual e é moi afable aínda que un pouco porcallán. Con estas personaxes presentamos un Conto e tamén un xogo. O conto fálanos da necesidade de clasificar o lixo para non acabar cos recursos do planeta.O xogo dos colectores é o explicado no apartado anterior, pois usouse tamén para unha das probas da Xincana das letras galegas.