Como xa sabedes, dende hai varios cursos, o centro participa activamente no programa "Monte Vivo" desenvolto pola Consellería de Medio Rural. Este programa é unha iniciativa de educación ambiental que pretende introducir á infancia nos conceptos básicos da conservación da natureza e na sensibilización cara a mesma, conectando ao neno/a co seu contorno, e nas perspectivas dun desenvolvemento sustentable.

O vindeiro venres ás 11:30 horas o alumnado de 5º e 6º de Educación Primaria, asistirá a unha charla informativa no centro na que traballar todos estes contidos.