Alerta Escolar é un conxunto organizado de accións administrativas, informativas e operativas que pretende achegar unha atención sanitaria inmediata e eficaz a todos os nenos escolarizados de entre 0-16 anos, que padecen patoloxías crónicas susceptibles de descompensación con compromiso vital:

• Crises alérxicas (anafilaxia) por exposición a alérxenos normalmente alimentarios.
• Crises comiciais (epilepsia nas súas diferentes formas).
• Crises diabéticas (en xeral, hipoglucemias).
• Outras doenzas que impliquen un cormpomiso vital.

Pretende a coordinación entre o profesorado (facendo que sexa capaz de recoñecer a emerxencia médica provocada por un cadro agudo das patoloxías descritas, e de prestar unha primeira atención mentres chegan os recursos adecuados), e a Central de Coordinación de Urxencias Sanitarias de Galicia-061.

Procedemento: 

• Enviarase unha circular a través do alumnado o primeiro día de clase.
• Prazo 12-16 Setembro.
• Aquel alumnado xa dado de alta no centro non fai falla que cubra a solicitude.
• A solicitude debe vir vencellada cun informe médico que suscriba a doenza.