Estimadas familias,
Como cada ano por estas datas, ao comezo do curso escolar queremos saudarvos, facervos chegar a nosa máis sincera benvida e poñernos á vosa disposición para todo aquelo que necesitedes. Nesta páxina web, baixo o epígrafe De interese do menú Para as familias atoparedes algunhas informacións e recordatorios a ter en conta este ano, pero antes queremos sinalar o especial que é para todos nós o próximo curso.
En efecto, este 2015 é o ano do noso centenario. Será a ocasión de coñecer e gozar das actividades que levaremos a cabo entre todos: profesores e profesoras, pais e nais, alumnos e alumnas -antigos e actuais- e todas aquelas persoas que queiran compartir connosco este momento de ledicia e celebración.
