Un ano máis, o CEIP Labaca celebra co gallo do Samaín o seu certame de cabazas decoradas, organizado polo Equipo de Normalización Lingüística coa colaboración do Departamento de Inglés e o Equipo de Actividades Complementarias.
Desde o hoxe 28 de outubro e ata o xoves 30 pódese visitar a exposición de todas as cabazas participantes no patio cuberto de Educación Infantil. De entre todas elas, haberá mención para a cabaza máis orixinal, a máis terrorífica e a máis simpática.
De certo que será unha escolla difícil dada a alta participación acadada este ano, participación que o centro quere agradecer a todos os nenos e nenas e aos pais e nais que axudaron a darlle forma ás súas ideas co coitelo.
