PRAZO DE PRESENTACIÓN DE SOLICITUDES DE NOVAS MATRICULAS

 No día de hoxe seis de maio , publicouse no Diario Oficial de Galicia a Resolución do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020 que, no ámbito educativo, estableceu os seguintes acordos:

  Acordo sobre o restablecemento do procedemento de admisión de alumnado do 2º ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos para o curso académico 2020/21.

 1. PRAZO DE PRESENTACIÓN DE SOLICITUDES

• Dende o día 11 de maio de 2020 e rematará o día 18 do mesmo mes ámbolos dous inclusive.

 2. NOVOS PRAZOS DO PROCESO:

 ● Publicación das listaxes provisionais do alumnado admitido e non admitido: antes do 9 de xuño de 2020.

 ● Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.

 ● Publicación das listaxes definitivas do alumnado admitido e non admitido: ata o 26 de xuño de 2020.

 ● Formalización da matrícula en educación infantil e primaria: do 1 ao 10 xullo de 2020.

DOCUMENTACIÓN NECESARIA

 1. ANEXO II cuberto (pode recollerse no centro ou descargalo do portal https://edu.xunta.es/admisión alumnado

 2. CERTICADO DE EMPADROAMENTO no que figuren todos os membros da unidade familiar que conviven nese domicilio e data de alta no mesmo.

 3. FOTOCOPIA DOS DNI DOS PROXENITORES.

 4. DOCUMENTO ACREDITATIVO DA IDADE DO /A NENO/A (Libro de familia, DNI, partida de nacemento, etc).

 5.FOTOCOPIA DO CARNÉ DE FAMILIA NUMEROSA, se procede.

 6.CONVENIO REGULADOR OU RESOLUCIÓN XUDICIAL DE SEPARACIÓN OU DIVORCIO (se é o caso).

 A documentación será entregada na Secretaría do Centro en horario de 10:00 a 13:00 horas.

 Recordamos que o alumnado actualmente matriculado, non necesita solicitar admisión, pois xa ten reervada a súa praza .

 O horario de atención a familias, no centro, será de 10:00 a 13:00.

 As familias que xa entregaran a documentación antes da suspensión das clases, non terán que volver.

 Pedímosvos que antes de vir, chamedes ao centro para concretar unha hora e evitar aglomeracións no interior do colexio.

 Solicitamos ás persoas que acudan ao centro, que extremen as medidas de distancia e hixiene, respectando en todo momento as indicacións. Agradécese a colaboración de todos/as

 Un saúdo. O Equipo Directivo.