CEIP Plurilingüe Isidro Parga Pondal

No Boletín Oficial da Provincia do 15 de xullo saiu publicado o extracto da convocatoria de axudas para asistencia a comedores escolares no curso escolar 2019/2020.

As bases e o modelo normalizado para solicitar a axuda atópanse na web do Concello de Oleiros, na concellería de Ensino e Xuventude. Tamén as podes descargar aquí:

Bases da axuda

Modelo normalizado

O prazo de solicitude ábrese o día 16 de xullo e remata o 30 de setembro. A solicitude hai que entregala no Rexistro xeral sito no Centro Cultural A Fábrica. 

A atención das familias dos nenos/as que comezarán a cursar 4º de Educación Infantil.

O xoves 5 de Setembro as 16:00 horas haberá unha reunión na aula de música para entregar os horarios do período de adaptación e coñecer as mestras.

O alumnado de Educación Infantil fixo este ano un bonito proxecto creando unhas verdadeiras obras de arte moi persoais e únicas.

Aquí tedes unha pequena mostra.

Esperamos que a disfrutedes!

   Aquí tedes unha pequena mostra dalgunhas das actividades realizadas o día das letras galegas no noso cole.

Espero que o disfrutedes!

Exposición PEZAS DO NOSO PASADO

                                          Obradoiros e xogos populares

Xoiaría	Carreiras de sacos

Photocall	Zancudos

Elaboración de chapas	Construción de murais

                         Música en vivo e baile conxunto da muñeira

REUNIDA A COMISIÓN DE ESCOLARIZACIÓN DE OLEIROS O DÍA 6 DE XUÑO DE 2019 PUBLICAMOS A RELACIÓN DE ALUMNADO ADMITIDO NOS DISTINTOS CENTROS DO CONCELLO.

Algúns dos corredores do noso centro están decorados cunha marabillosa exposición feita polo alumnado de 3º Curso titulada "Educar para la empatía".

Aquí tedes unha pequena mostra, esperamos que vos guste!

Xa está aberto o prazo para a solicitude de AXUDAS para MATERIAL ESCOLAR e LIBROS DE TEXTO.

Na convocatoria actual, como no curso anterior, podedes realizar a solicitude accedendo a aplicación FONDOLIBROS, cubrindo os datos necesarios e gardando o número de solicitude para despois presentala no centro ou na Sede Electrónica da Xunta de Galicia.

De non optar pola vía telemática, na secretaría do centro están dispoñibles os impresos. Estos deber vir acompañados do libro de familia. Unha  mesma solicitude vale para varios irmáns.

O prazo para presentar as solicitudes remata o 21 de xuño de 2019 (este incluído).

Para coñecer toda a normativa pica AQUÍ.

RESUMO NORMATIVA

O pasado entroido, tivemos no noso centro educativo un día moi divertido e diferente. Ademais de disfrazarnos e desfilar, aprendemos que o entroido non está rifado co medioambiente e respecto pola nosa contorna. Os disfraces de todo o alumnado foron feitos con material reciclado e con temática ecolóxica. Aquí unha pequena mostra!

Mergulladores recolle lixo

O alumnado de E. Infantil disfrazáronse de mergulladores para concienciar sobre a contaminación de plásticos nos nosos océanos e mares

Lavadoras cheas. Disfraces do alumnado de 5º de Educación Primaria

Alumnos e alumnas de 6º disfrazados de gardas forestais

 

Pececiños. Alumnado de 2º de E.P.

As abelliñas de 4º de Educación Primaria

Para poder ver a listaxe definitiva de alumnado do proceso de admsiión do curso 2019/2020 pica AQUÍ.

Recordamos que seguindo a orde do 12 de marzo de 2013 pola que se desenvolve o procedemento para a admsión do alumnado, a estimación ou desestimación das reclamacións formuladas fronte as listaxes provisionais, entenderase realizada a través das listaxes definitivas de persoas admitidas e non admitidas."

"Contra a relación definitiva, as persoas interesadas poderán interpoñer recurso de alzada ante á persoa titular da xefatura territorial, no prazo dun mes contado a partir do día seguinte ao da súa poblicación."

Aproveitamos tamén para recordar que o plazo para matricularse é do 20 ao 30 xuño. Previamente informarase da documentación necesaria para a formulación da matrícula. Ata esa data non hai que facer nada máis.

AVISO

INFORMAMOS A TODOS OS QUE SOLICITARON PRAZA NESTE CENTRO EDUCATIVO PARA O VINDEIRO CURSO 19/20, QUE DESPOIS DE TER RECIBIDA UNHA ALEGACIÓN AO CRITERIO COMPLEMENTARIO DO BAREMO; O CONSELLO ESCOLAR REUNIDO EN CONSELLO EXTRAORDINARIO APROBOU A ELIMINACIÓN DO MESMO.

POLO TANTO NINGUÉN LEVARÁ ESE PUNTO DO BAREMO AINDA QUE O TIVERA ALEGADO E CORRECTAMENTE XUSTIFICADO.