X CONCURSO-EXPOSICIÓN DE FOTOGRAFÍA

 Debido ao confinamento non se puideron rematar os traballos preparados polo alumnado de  6º de primaria. Estes traballos eran  unha forma de  lembrar aqueles oficios que  a través dos anos foron moldeando a economía, as relacións sociais, mesmo a música de todo un Pobo. A vida  doméstica, o campo, o mar, foi progresando grazas á creatividade e o enxeño dos artesáns e a xente de oficio. Lembrando as nosas raíces pedímosvos que aportarades fotografías de apeiros, ferramentas ou aparellos para a nosa exposición. Agora debemos facer un aprazamento, pero en canto nos sexa posíbel continuaremos. Non vos esquezades, preparade as fotografías.

Desde o ENDL queremos agradecer ao alumnado e profesorado que con tanto entusiasmo colaboraron na elaboración dos traballos. Esperamos poder mostrárvolos en breve. Ánimo a tod@s e ata vernos.