Eventos
Os alumnos/as de 1º e 2º de educación primaria realizarán no colexio un taller cunha monitora externa sobre os beneficios dos productos lácteos.
Terán agasallos e realizarán diferentes actividades didácticas para aprender moito sobre esta temática.
Hoxe é un día importantísimo para os nosos pequenos/as de 6º de Educación Infantil, xa que teñen a súa excursión de fin de curso ao Parque Zoolóxico de Marcelle, en Lugo.
Neste parque terán unha rota guiada con monitores onde contemplarán gran variedade de especies animais e onde farán moitos xogos educativos divertíndose e aprendendo todo ao mesmo tempo.
Hoxe é un día moi especial, hoxe ímonos de excursión de fin de curso:
1º e 2º de Educación Primaria: "A Casa da Terra" en Antas de Ulla. Aquí faremos moitas actividades e obradoiros cos monitores, como o taller de galletas que probaremos todos e todas.
3º de Educación Primaria: Visitarán a Piscifactoria de O Carballiño e xusto depsois pasarán unha xornada moi agradable no Parque Arqueolóxico da Cultura Castrexa Lambrisca.
4º de Educación Primaria: Contentísimos gozaremos das fermosas vistas e da rota guiada polo Castelo de Vilasobroso e ao rematar desplazarémonos até o balneario de Mondariz. Aquí pasarémolo xenial dándonos un chapuzón nas súas augas cheas de propiedades.
5ª de Educación Primaria: Estes alumnos/as teñen moitas ganas de irse lonxe. O seu destino é A Coruña. Alí pasarano en grande no Planetario, no Domus e no Aquarium.
O Arquivo Histórico Provincial de Ourense oferta a actividade educativa-teatralizada denominada "Os segredos dos franciscanos".
Trátase dunha actividade gratuíta deseñada especialmente para complementar o coñecemento sobre o legado histórico e artístico que os franciscanos deixaron na cidade de Ourense.
Os alumnos/as participarán nun obradoiro da man de profesionais especializados na didáctica do patrimonio; realizando unha visita á exposición, un percorrido polas instalacións do AHPOu así como unha parada guiada polos distintos lugares históricos da nosa cidade: praza do Trigo, praza do Correxidor e claustro de San Francisco.
Nesta ocasión e aproveitando que esta semana festéxase o día dos "Arquivos", asisten os nenos/as de 4ºA de Educación Primaria,
Coa finalidade de favorecer o proceso de transición da etapa de educación primaria á etapa de educación secundaría, o alumnado de 6º curso terá este xoves día 13 de xuño unha saída ao IES Ramón Otero Pedrayo, en horario de 10.30 a 12:00 horas.
Alí os rapaces terán unha charla explicativa da nova etapa que comezarán en setembro tanto a nivel curricular como organizativo; visitarán as instalacións guiados por antigos alumnos/as deste colexio e finalmente serán convidados a un pequeno almorzo todos xuntos.