Semana das Letras Galegas
Como xa sabedes o domingo é o día das Letras Galegas que este ano está adicado a Ricardo Carballo Calero.
Por iso as actividades van enfocadas a celebrar ese día.
1.- Le o poema de Manuel María e escribe as palabras que riman.
Tamén podes escoitalo no seguinte enlace: https://www.youtube.com/watch?v=Ut5oCyClSEE
O arco da vella
no ceo subido
co seu colorín
co seu colorido.
O arco da vella
con sete colores
que teñen, no ceo,
beleza de flores.
O arco da vella
no ceo chantado
co seu colorín,
co seu colorado.
O arco da vella
é un arco triunfal
con sete guerreiros
que a ninguén fan mal.
O arco da vella
de luz feito é.
¡Resulta un milagre
que siga de pé!
-A palabra _____________________ rima con __________________________
-A palabra______________________ rima con _________________________
-A palabra ______________________ rima con _________________________
-A palabra _______________________ rima con ________________________
-A palabra ______________________rima con__________________________
2.- Debuxa: como imaxinas o arco da vella do poema?
3.- Le con atención o seguinte poema de Luís Pimentel:
Tac, tac, tac
cuchara de pau
cunca de madeira
o meu neno
está na lareira.
Tin, tin, tin
cuchara de prata
cunca do pazo
o meu neno
está no regazo.
Ton, ton, ton
cuchara de ouro
cunca de cristal
o meu neno
é príncipe real.
-Agora é o teu turno! Colle unha cunca e culleres de diferentes materiais que teñas na casa, coma na seguinte foto:
-Bate a culler na cunca, como no poema, e escoita o son:
-
Con que culler escoitas un son agudo (parecido ó tin tin tin do poema)?
-
Con que culler escoitas un son grave (parecido ó toc toc toc do poema)?
-
Agora a cantar! Recita o poema facendo o coas culleres facendo o tac tac tac, tin tin tin e o toc toc toc.
A continuación propoñémosvos un recitado de poemas para incluír no telexornal que se levará a cabo coas aportacións de cada un dos cursos.
Animámosvos a que vos gravedes cun móbil, tablet ou cámara recitando o poema de Luís Pimentel e o enviedes ó correo do voso titor ou titora.
4.- Le con atención ó seguinte fragmento dun poema de Rosalía de Castro:
Co son da gaitiña
co son da pandeira,
che pido que cantes,
rapaza morena.
-É o noso turno de crear! Inventa unha pequena cantiga.
______________________________________________
______________________________________________
______________________________________________
______________________________________________
*Se non se che ocorre ningunha podes usar estas palabras secretas: flores, amores, festa, bolboreta.
