Histórico de actividades

TAREFA SEMANAL DO 30 DE MARZO AO 3 DE ABRIL

1-Expresar cales son os sitios favoritos da túa cidade. Fai unha lista. Tamén podes preguntar a túa familia.

2-Facer unha táboa de comidas saudables. Preparar una comida empregando alimentos bos para a saúde. E realizar un gráfico cos alimentos máis empregados no fogar.

3-Inventar ou escribir unha pequena historia con as palabras: virus, casa, calle

4-Realizar un experimento sinxelo relacionado cos cambios de estado: sólido, líquido, gasoso e mesturas.

5-Lee o texto cunha pronunciación e un ritmo axeitados. Copia no diario. Copia e contesta ás preguntas.

Unha escola sobre a auga

Ola, somos Nara e Khim. Benvidos ao noso país, Cambodja. Sube, que te levamos á nosa casa… en barca!

A nosa aldea chámase Prektol. As casas son de madeira e están construídas sobre canas de bambú e sobre bidóns que aboian no río. As familias crían vacas e cabras e cultivan a terra nas marxes do río.

Cada mañá quedamos cos veciños para irmos xuntos á escola, que tamén está no río. Aquí, ata os máis pequechos saben remar.

Xa está! Todos os nenos e nenas amarramos as barcas. Axiña, que comeza a clase!

Na escola aprendemos matemáticas, ciencias  e a nosa lingua, o cambodjano. Para contestar unha pregunta na clase, temos que erguer os dous brazos.

Para volver para a casa tamén navegamos polo río e ás veces vemos pasar crocodilos.

Sabes como se di adeus en cambodjano?

Xum rieb lie.

·       Busca os nomes propios na lectura e completa.

Este texto conta como é a vida dee               , dous rapaces que viven nunha aldea chamada          e que está construída sobre un río, nun país que se chama                    .

·       Escribe V se é verdadeiro e F se é falso.

-Rektol é unha aldea de casas de pedra. As casas de Prektol aboianna auga do río.

-Os rapaces e as rapazas da aldea van á escola a pé___

-As familias de Prektol cultivan a terra e crían animais. ______

-Nas escolas de Cambodja estúdase o galego._____

-Todos os nenos e nenas de Prektol saben remar.____

-No río de Prektol hai crocodilos._____

·       Pensa e razoa. Se ti non sabes cambodjano e Nara e Khim non saben galego, como poderiades comunicarvos?

6-Debuxa unha táboa e clasifica os meses do ano segundo o número de días. ( de 28 ou 29, de 30 e de 31)

-Se unha película dura dúas horas e cuarto ¿Cantos minutos dura?

-Unha pizza tardou en cociñarse 20 minutos. Se Carlos sacouna do forno ás seis e media . A que hora a meteu?

7-Debuxa un animal vertebrado e outro invertebrado e pon as súas partes.

TAREFA SEMANA DO 16 Ao 18 DE MARZO PARA 3º DE PRIMARIA.

DIARIO DA AULA ARCOÍRIS.

Ola a todos/ as: Esta semana xa que imos estar na casa, ides realizar de maneira individual e en familia as seguintes tarefas:

-O primeiro imos construír coa nosa familia un diario. Ten que ser persoal.

Crearemos unha portada e contraportada e dentro irán os folios. Adornarémola ao noso gusto, personalizándoo co noso nome, o curso e o nome da aula. Cando volvamos a clase levaremos connosco o noso diario.

-Cando o teñamos feito, teremos que escribir todos os días nel. Poñeremos a data na cabeceira e no lado esquerdo debuxaremos dous reloxos, un dixital poñendo a hora e o outro analóxico (os do círculo de sempre)

-Apuntaremos todo aquilo que nos ocorra durante o día e os nosos pensamentos, se queremos. Distribuiremos o día nas horas que lle dedicaremos a cada actividade, por exemplo: almorzo, xogar coa familia, comida, ratiño de tarefas escolares, momento de lectura e charla coa familia…Todo quedará reflectido.

-NON vale facelo todo o mesmo día xa que é unha tarefa que se deberá facer de maneira diaria para que funcione.

-Ao mesmo tempo, aquí, poñereivos algunhas actividades específicas que debedes de realizar e apuntar no mesmo diario.

-Podemos adornar o noso diario ao noso gusto e mesmo cada día podemos adornalo tamén, pero sempre poñendo a data diaria e as horas das actividades realizadas.

TAREFAS PARA ESTA SEMANA:

-Construír o noso diario, a modo de libriño, coa familia utilizando os medios que temos ao noso alcance.

-Personalizamos o noso diario na portada e cada día, coas nosas anotacións, actividades, gráficos e debuxos.

-Poñemos todos os días a data e as horas, de forma que debuxaremos os dous tipos de reloxos, e poñeremos a hora analóxica e dixital, para cada unha das actividades.

-Planificamos dentro da nosa actividade diaria un momento para a lectura e as actividades das nosas tarefas.

-Na primeira páxina podemos escribir os tres SUPERPODERES que cremos que temos.

-Adornamos outra páxina poñendo a data na que estreamos diario. (a data poñémola das dúas formas que sabemos)

-Nunha parte do noso diario repasaremos coa nosa familia a táboa de cada número e escribirémola poñendo a que repasamos hoxe, con quen e que tal me saíu. Podemos acompañalo cunhas contas dese mesmo número.

-Incluiremos todos os días unha lectura de maneira individual ou coa nosa familia mediante o club de lectura en familia e escribiremos no diario un pequeno resumo da lectura diaria, o seu título, con quen a lea e a vosa valoración.

-Xa que todos estes días estamos a falar de cidades, pobos, localidades. Tentaremos localizar nun mapa esas cidades e escribir no noso diario onde están.

P.D)Os que podades difundide esta información a outros compañeiros/as.

Un saúdo e bicos virtuais:

A titora.

Para ver o noso blog de aula preme aquí

Realízase este proxecto no curso 2012-2013 dentro do marco do PEC.Participará todo o alumnado e profesorado do centro,facendo extensibles as actividades a toda a comunidade educativa.

¿Queres saber máis? Pincha en VER PROXECTOS