Aprender as táboas de multiplicar sin ter exclusivamente que memorizar é ademais de posible, moito máis que recomendable  para unha aprendizaxe que perdure nos nenos e nenas. Algúns xogos son:

• MATICA de Mercurio (dende os 7 anos).
• OPERACIÓN GRANJA de Falomir (dende os 6 anos).
• SPY CODE de Atomo (dende os 7 anos).
• CÓDIGO SECRETO 13+1 de Haba (dende os 8 anos).
• LAS AVENTURAS DE LAS TABLAS de Haba (dende os 7 anos).

+

Onte foi o día da infancia e todos os nenos/as viñeron en pixama ao cole. Ademáis, os nenos/as de infantil fixeron unha sesión de cine na clase para a cal tiveron que facer a súa entrada de cine.

Vimos MASCOTAS 2 e comimos palomitas!

Ademáis, na biblioteca todos os nenos e nenas fixeron un mural e despois comimos chocolate con churros. Que ben o pasamos!

Durante esta semana os nenos e nenas de infantil convertémonos en pequenos científicos, realizando dous pequenos experimentos a través dos cales nos divertimos e desfrutamos.

1. “A auga que camiña”: unha experiencia que nos acercou a unha propiedade física dos líquidos (a capilaridade) e a descubrir como a partir de unhas cores básicas se crean as demais. Ademais de divertirnos, conseguimos crear un elemento que nos fascina: o arco da vella.

2. “SLIME”: experiencia sensorial e táctil a través da cal descubrimos como mesturando diferentes ingredientes, se producen cambios de textura. Gustounos moito manipular o slime e ver como pouco a pouco ía cambiando a súa textura.

Sobra dicir que a tod@s nos encantaron os experimentos. 

De acordo coa Convocatoria do día 11 do mes en curso, o próximo día 18 de novembro, en horario de 15:30 a 17:00 horas, celébrase neste Centro a votación para a elección de representantes dos pais, nais ou titores/as legais do alumnado no Consello Escolar. Aquí podedes consultar as normas para participar na referida votación.

Hoxe saíron as primeiras mochilas deportivas. 

Cada aula dispón dunha mochila viaxeira con diferente material deportivo para que cada alumno/a desfrute en familia durante unha semana.

En Educación física, sorteamos as mochilas. Os primeiros afortunados e afortunadas foron:

- No 1º ciclo: Mireia

- No 2º ciclo: Martín

- No 3º ciclo: Asier

A proposta ten como finalidade o aumento da práctica de exercicio físico por parte do alumnado e as familias.

Esperamos que desfrutedes da mochila.

PD: No caderno deportivo viaxeiro esperamos as vosas opinións e suxestións de mellora para as próximas edicións.

Grazas familias pola vosa colaboración

Os mércores de novembro son días de CONTACONTOS SOBRE IGUALDADE. 

Durante a hora de lectura, todos os nenos e nenas reunímonos na biblioteca para escoitar unha historia sobre igualdade entre homes e mulleres.

O mércores pasado, Asier e Alonso, leron un dos contos do libro "El futuro es femenino" de Sara Cano. Hoxe foi o turno de Nerea e Andrea.

Teremos que esperar ó seguinte mércores para descubrir un novo relato.

Picando aquí podedes comprobar a relación de candidaturas no sector de pais e nais de alumnos. Segundo o establecido no artigo 32.4 do Decreto 92/1988, do 28 de abril, polo que se regulan os órganos do goberno dos centros públicos de ensino non universitario, contra o acordo de proclamación poderase reclamar no prazo dos dous días seguintes a este anuncio.

O longo da semana pasada, fixemos outras actividades relacionadas co Samaín. 

A nosa biblioteca encheuse de cabazas terroríficas decoradas polo alumnado en colaboración coas familias. Recordade que o concurso segue aberto na aula virtual ata o día 8 de novembro!

Nas aulas o alumnado preparaou diferentes manualidades coas que decoramos o centro.

Cada aula, tamén decorou as súas propias cabazas.

Como non podía ser doutro xeito, non hai magosto sen castañas, polo que desfrutamos en familia da degustación deste producto típico do outono.

Nin Samaín sen disfraces terroríficos.

O pasado mércores tivemos a oportunidade de realizar actividades e divertidos xogos no pavillón municipal, para celebrar o magosto e Samaín. En primeiro lugar, a Banda de gaitas "Os Tafornelos" das Somozas obsequiounos cunha actuación que fixo as delicias de todos e todas. Seguidamente, tiveron lugar os xogos. Foron 5 estacións nos que os xogos tiñan como fío condutor ás castañas. Pasamos un día xenial e moi divertido, no que incluso as familias participaron nos xogos. Aquí vos deixamos unhas fotos do día: