Blogues

O pasado venres tivemos o pracer de contar coa visita de Lino Martinez Perez e David do Judo Club Tudense.

Non todos os días se poden escoitar as vivenzas e aprendizaxes dun campión do mundo e dúas veces campión de Europa.

Hoxe tivemos a sorte de recibir no colexio a Paulo Pascual. Paulo é músico, toca varios instrumentos, e agora está centrado no máis curioso deles, o Theremin. Falounos un pouco del, das súas posibilidades sonoras, tocou algunhas pezas e respondeu a todas as nosas preguntas, que non foron poucas. Quedamos abraiados, pois moitos de nós non sabiamos nin da existencia deste instrumento. Ademais, o mellor de todo, é que nos deixou probalo e foinos explicando a cada un cómo sacarlle son. Ao finalizar a nosa profe de música, Tere, e Paulo tocaron unha peza moi coñecida polo alumnado. Somos uns privilexiados. Moitas grazas, Paulo!! Pasámolo xenial.

O venres pasado celebrouse nas instalacións da Macoca a proba zonal escolar de Atletismo en pista ao aire libre. Esta actividade vai englobada no programa XOGADE e foi dirixida ao alumnado de 5º. Tamén participaron colexios de Salceda de Caselas e Tui.

A xornada contou con varias probas e series de carreiras de velocidade de 60 metros, lanzamento de peso (2kg) e lanzamento de vortex. A continuación celebrouse a proba de resistencia de 500 metros e o salto de lonxitude. E para rematar as series de relevos de 4 x 60 metros.

O pasado 13 de marzo tivemos a sorte de presenciar na Área Panorámica de Tui unhas obras de teatro en inglés moi divertidas!

Todos os cursos puidemos gozar dunhas obras adaptadas a cada ciclo.

Suplemento "Campeones" - Faro de Vigo (13/2/2019)

O pasado sábado 9 de febreiro participamos no campionato provincial de campo a través celebrado na parroquia de Chenlo en O Porriño.

O día non acompañou moito, xa que fixo frío e choveu; pero isto non foi disculpa para as nosas guerreiras de Guillarei, que unha vez màis loitaron e correron a tope, dando exemplo da súa fortaleza e de valores tan importantes como e esforzo e a auto superación.

Moitos parabéns para Ainara Rguez. (Alevín) e o equipo Infantil Feminino formado nesta ocasión por Laura Ramírez, Kholoud Rouchdi, Alejandra Cabaleiro, Sela Martínez, Mayra Vila e Saula Rocha.

Estamos moi orgullosas de todas.

Unha pequena representación d@s valentes atletas do noso colexio que participaron o pasado sábado 19 de xaneiro no circuito da Canosa no concello do Rosal. Parabéns a tod@s polo gran esforzo, moito mérito estar alí co día que fixo.

Agradecer a colaboración e axuda das familias e dos mestr@s Bibi e Victor.

Agora toca animar no proba provincial en Chenlo (Porriño) o día 2 de febreiro a Ainara Rguez., magnífico cuarto posto acadado (Alevín  Fem.), o equipo Infantil Fem que se proclamou subcampión (Laura, Alejandra, Kholoud, Sela, Mayra e Saula), e o campión cadete Dani Alvarez.

Equipo Infantil Feminino

Campión cadete masculino