Skip to Content

Blogues

BALONMÁN E BALONCESTO TUI PROMOCIONAN OS SEUS DEPORTES EN GUILLAREI

27 Septembro, 2019 - 09:32 — Anónimo

Alejandro e Javier monitores do Club Baloncesto Tui, explicaron e promocionaron o seu deporte a todos os cursos de educación primaria. Aquí están co alumnado de sexto e quinto.

Grupo de terceiro e cuarto en acción.

Noe e Pablo do Balonmán Tui tamén tiveron o seu momento para animar ao noso alumnado a practicar balonmán co seu club e federarse. Lembrar que na nosa escola hai un grupo que xa xoga desde fai anos un día pola tarde, organizado pola ANPA e a Diputación de Pontevedra xunto o club balonmán Tui.

 

 

MAXIA NO COLE

17 Septembro, 2019 - 23:26 — Víctor

La imagen puede contener: 1 persona

Equipo Deporte Escolar 2019/2020

13 Septembro, 2019 - 09:49 — Anónimo

Benvid@s a novo curso escolar 2019/2020.

O pasado martes 3 de setembro quedou establecido no primeiro claustro o equipo que se vai a encargar de coordinar o deporte escolar e o PDC "Guillarei activo e saudable" do noso colexio.

Concepción Rguez. Cibeira, Mª del Pilar Durán Otero, Fernando Domínguez Sobral e Víctor Rguez. Quintas.

Ademáis esperamos contar coa colaboración activa de todo o claustro nos diferentes programas e actividades que intentaremos levar adiante.

Moita enerxía e sorte a tod@s.

Comezamos o curso 2019-2020 con "Promocións deportivas no colexio"

13 Septembro, 2019 - 09:41 — Anónimo

Durante varios días de mes de setembro varios clubs deportivos de Tui van vir ao noso colexio para promocionar e dar a coñecer máis o seu deporte e club.

Estas actividades fanse dentro do programa de Xogade "Coñece o teu club".

Xa temos confirmadas as seguintes:

- Venres 13: Balonmán Tui

- Venres 20: Baloncesto Tui

- Martes 24: Judo club tudense

Pendentes de confirmar a data están outras modadlidades deportivas como fútbol sala, bádminton e remo.

Acrosport na escola 2019

13 Septembro, 2019 - 09:26 — Anónimo

Xuntar creatividade e arte, pode ser un resumo curto do traballo feito polo alumnado de 6º e 5º nas unidades didácticas de "Acrosport".

Batidos saudables nas clase de terceiro

12 Septembro, 2019 - 13:11 — Anónimo

Dentro do programa de alimentación saudable levaronse a práctica varias actividades como a elaboración de batidos saudables, facer bocatas diferentes, froita nos recreos ou as recomendacións pautadas de merendas diarias dende as titorías.

preparando as diferentes froitas

PANEL INFORMATIVO DO PROXECTO

12 Septembro, 2019 - 13:07 — Anónimo

Diferentes programas que se desenvolveron no curso 2018/2019

A nosa mascota "Guillasport" que nos acompaña nas probas deportivas e xogos.

DAFIS 2019

11 Septembro, 2019 - 13:58 — Anónimo

- DAFIS, no ámbito educativo escolar, é un protocolo de valoración da Condición Física (CF) relacionada coa saúde que pode utilizar o profesorado de E.F. e o seu alumnado (baixo supervisión).

- Inclúe unha batería multicompoñente da CF. Todas as probas de CF cumpren os criterios de validez, fiabilidade, economía de aplicación e sustentabilidade.

- Os seus resultados poden compararse con valores criterio (puntos de corte) ou con valores normativos (percentís poboacionais). * criterio: IMC / Course navete (resistencia cardiovascular).

O resultado obtido xa ten un valor en si mesmo. * norma: resto de probas (establece un valor en función da mediana existente na plataforma para a mesma idade e sexo no momento de realizar as probas.

- Os resultados introdúcense nunha plataforma web, construída ad-hoc, que os avalía de forma automática e emite diferentes informes. - No ano 2018, DAFIS foi seleccionada pola oficina europea da OMS como mellor exemplo de boas prácticas en España para a promoción da actividade física no ámbito escolar. 

Flexibilidade

A totalidade do alumnado do colexio por terceiro ano consecutivo participa no programa DAFIS sobre a valoración da condición física e o control de varios parámetros de saúde.

Salto de lonxitude

Proba de forza isométrica co dinamómetro manual

 

ACROSPORT, CIRCO E FESTIVAL FIN DE CURSO

11 Septembro, 2019 - 13:41 — Anónimo

Durante gran parte do terceiro trimestre o alumnado de educación primaria estivo aprendendo moitas actividades ximnásticas, exercicios de acrosport, equilibrios, bailes, malabares e moitas habilidades circenses.

Especialmente os grupos de quinto e sexto adicáronlle moitas horas do seu tempo libre nos recreos, algunhas tardes e nas horas de educación física. Como guinda de tanto esforzo, no festival de fin de curso titulado "Eurosport" fixeron actuacións do aprendido.

Sen dúbida foi unha xornada de moitos nervios pero tamén de emoción e ilusión poder actuar diante das suas familias e de todo o colexio.

Moitos parabéns a tod@s.

Grupo de quinto curso, coa parodia de natación desincronizada.

Actividades circenses o grupo de sexto.

Acrosport

 

Aloiada 2019

11 Septembro, 2019 - 12:45 — Anónimo

ALOIADA 2019

 

 

A mediados do pasado mes de xuño, un ano máis participamos na ALOIADA co resto de escolas do concello de Tui.

Este ano houbo varias novedades, xa que nos obradoiros que se organizan a carón do monte Galiñeiro, os nosos rapaces e rapazas atoparonse con 2 sorpresas. Unha delas foi a ximcana organizado polo grupo de scouts de Tui, que prepararon varios xogos e retos divertidos e a outra foi a de slack line organizada polo mestre Xosé Antón, sen dúbida todo un desafío de equilibrio.

Polo de máis destacar a convivencia entre os case 200 alumn@s dos 8 colexios tudenses durante estas 2 xornadas de xoves e venres, onde fixemos escalada alpina, rappel, primeiros auxilios, prácticas de cabuyería, orientación deportiva, acampada no monte Aloia, xogos de noite, senderismo polas sendas do Galiñeiro, monte Aloia, río Tripes e piragüísmo no río Miño.

Unha gozada despedir a étapa no ensino de primaria e coñecer nov@s amig@s.

Material preparado

No albergue do Aloia

Na base do Galiñeiro

Camiño as paredes do Galiñeiro para facer escalada.

Obradoiro de nudos

 

 

 

 

Xornada de xogos populares do Baixo Miño

11 Septembro, 2019 - 12:25 — Anónimo

Durante o pasado mes de xuño, celebrouse nas instalación do CEP Pedro Caselles de Tomiño unha xornada de xogos populares e convivencia con outras escolas do Baixo Miño.

A xornada consistiu na práctica de partidas do Xogo da chave de Aspas, de Billarda e de Bolos Celtas.

Participaron as clases de sexto curso, destacando que todo o alumnado xogou en equipo e disfrutou dunha experiencia nova para moitos.

Parabéns para todos.

Xogo da Billarda

Bolos Celtas

Xogo da Chave de Aspas

 

 

AbalarMóbil

9 Septembro, 2019 - 14:01 — Víctor

Bo día familias,

deixamos como Anexo unha guía básica de uso de AbalarMóbil para que poidades instalar a aplicación no voso teléfono. Trátase dunha guía moi completa que vos axudará a sacarlle o máximo proveito á apliación.

 

Lembrade que moitas notificación xa non se envian en papel, se non que se publican a través de AbalarMóbil e a web do Centro, polo que recomendamos manter a aplicación actualizada e que visitedes regularmente a nosa web.

 

 

De volta ao cole

5 Septembro, 2019 - 12:19 — Anónimo

Educación viaria na escola

2 Septembro, 2019 - 11:59 — Anónimo

 

Durante o pasado mes de maio, por terceiro ano organizamos 3 xornadas de educación viaria na escola.

 A proposta contou como máximos protagonistas ao alumnado do colexio, os cales divididos en 3 grupos (Ed. Infantil, 1º, 2º e 3º ; e por último os maiores de 4º ata 6º curso de primaria)participaron dun xeito activo nun percorrido dentro do pavillón.

O alumnado de 4º curso de primaria colaborou como axentes responsables de que os ciclistas respetaran as normas de circulación.

Parabéns para tod@s.

AXUDA PARA ADQUISICIÓN DE LIBROS DE TEXTO E MATERIAL ESCOLAR

22 Maio, 2019 - 19:09 — Víctor

Orde do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en Educación Primaria, educación secundaria obrigatoria e educación especial en centros docentes sostidos con fondos públicos, para o curso escolar 2019/20.

A gratuidade solidaria de libros de texto para o próximo curso escolar 2019-2020 levarase a cabo mediante diversas modalidades: axudas para a adquisición de libros de texto, fondo solidario de libros de texto e axudas para adquirir material escolar. 

 

FONDO SOLIDARIO DE LIBROS DE TEXTO

- Destinado para o alumnado que no próximo curso estea matriculado en: 3º e 4º de Educación Primaria

AXUDAS PARA ADQUISICIÓN DE LIBROS DE TEXTO

- Destinado para o alumnado que no próximo curso estea matriculado en: 1º e 2º de Educación Primaria. 

AXUDAS PARA ADQUIRIR MATERIAL ESCOLAR

- Destinado a todo o alumnado matriculado en Educación Primaria. 

 

As persoas beneficiarias de libros procedentes do fondo solidario do centro ou de axudas para adquirir libros de textos teñen a obriga de devolver os libros e o material reutilizable adquirido coas axudas para libros de texto ou recibido do fondo solidario no curso 2018-2019. Deben estar en bo estado de conservación, de tal maneira que poidan ser reutilizados. Están excluídos desta obriga o alumnado beneficiario de axuda para adquirir libros de texto de 1º e 2º de Educación Primaria, sempre que os libros ou o material adquirido non se poidan reutilizar. A falta de devolución dos mesmos é causa de exclusión do fondo solidario de libros de texto e das convocatorias de axudas e ademais a consellería iniciará un expediente de reintegro da axuda concedida para todos aqueles casos nos que non conste a devolución dos libros adquiridos con cargo ao vale.

 

 O prazo para presentar solicitudes rematará o día 21 de xuño de 2019 (este incluído)     

 

 No hay descripción de la foto disponible.

Distribuir contido


by Dr. Radut