PVAD (Proxecto de vida activa e deportiva "GUILLAREI ACTIVO E SAUDABLE")
MAGOSTO 2019
Enviado por Anónimo o 22 Novembro, 2019 - 10:51O pasado mércores celebramos a festa do magosto na nosa escola. a xornada desenvolveuse con varias actividades como cantar unha canción popular galega, participar nos obradoiros dos xogos populares. O tempo axudou moito, xa que fixo sol e poidemos comer as castañas no patio.
Os obradoiros de xogos este ano foron os seguintes:
1- O xogo da rá.
2- Construción de torres cos carozos do millo.
3- Relevos coa culler.
4- Os birlos ou bolos celtas.
5- Xogos co paracaídas e castañas.
6- Equilibrios cos zancos, a goma o aro guía.
7- Carreiras de sacos, colar fichas e as buxainas
SEMANA E DÍA EUROPEO DO DEPORTE ESCOLAR
Enviado por Anónimo o 7 Outubro, 2019 - 13:02O venres 27 de setembro celebramos o día europeo do deporte escolar na nosa escola. Ademais durante toda a semana xogamos e fixemos diferentes actividades físicas e promocións deportivas.
Equipo Deporte Escolar 2019/2020
Enviado por Anónimo o 13 Septembro, 2019 - 09:49Benvid@s a novo curso escolar 2019/2020.
O pasado martes 3 de setembro quedou establecido no primeiro claustro o equipo que se vai a encargar de coordinar o deporte escolar e o PDC "Guillarei activo e saudable" do noso colexio.
Concepción Rguez. Cibeira, Mª del Pilar Durán Otero, Fernando Domínguez Sobral e Víctor Rguez. Quintas.
Ademáis esperamos contar coa colaboración activa de todo o claustro nos diferentes programas e actividades que intentaremos levar adiante.
Moita enerxía e sorte a tod@s.
Acrosport na escola 2019
Enviado por Anónimo o 13 Septembro, 2019 - 09:26Xuntar creatividade e arte, pode ser un resumo curto do traballo feito polo alumnado de 6º e 5º nas unidades didácticas de "Acrosport".
PANEL INFORMATIVO DO PROXECTO
Enviado por Anónimo o 12 Septembro, 2019 - 13:07Diferentes programas que se desenvolveron no curso 2018/2019
A nosa mascota "Guillasport" que nos acompaña nas probas deportivas e xogos.
VISITA DE LINO E DAVID, DOUS JUDOKAS IMPRESIONANTES!!
Enviado por Víctor o 8 Abril, 2019 - 23:05O pasado venres tivemos o pracer de contar coa visita de Lino Martinez Perez e David do Judo Club Tudense.
Non todos os días se poden escoitar as vivenzas e aprendizaxes dun campión do mundo e dúas veces campión de Europa.
Foi unha charla moi entretida, na que aprendemos os auténticos valores que os deportes deben transmitir como son o respecto, a amizade e o desfrute.
Ao final ata puidemos practicar algunhas chaves que nos fixeron sentir coma auténticos judokas.
Moitas grazas David e Lino por esta experiencia!!!
PROVINCIAL DE CAMPO A TRAVÉS 2019
Enviado por Anónimo o 12 Febreiro, 2019 - 23:03
Suplemento "Campeones" - Faro de Vigo (13/2/2019)
O pasado sábado 9 de febreiro participamos no campionato provincial de campo a través celebrado na parroquia de Chenlo en O Porriño.
O día non acompañou moito, xa que fixo frío e choveu; pero isto non foi disculpa para as nosas guerreiras de Guillarei, que unha vez màis loitaron e correron a tope, dando exemplo da súa fortaleza e de valores tan importantes como e esforzo e a auto superación.
Moitos parabéns para Ainara Rguez. (Alevín) e o equipo Infantil Feminino formado nesta ocasión por Laura Ramírez, Kholoud Rouchdi, Alejandra Cabaleiro, Sela Martínez, Mayra Vila e Saula Rocha.
Estamos moi orgullosas de todas.
ZONAL DE CAMPO A TRAVÉS NO ROSAL 2019
Enviado por Anónimo o 28 Xaneiro, 2019 - 22:00Unha pequena representación d@s valentes atletas do noso colexio que participaron o pasado sábado 19 de xaneiro no circuito da Canosa no concello do Rosal. Parabéns a tod@s polo gran esforzo, moito mérito estar alí co día que fixo.
Agradecer a colaboración e axuda das familias e dos mestr@s Bibi e Victor.
Agora toca animar no proba provincial en Chenlo (Porriño) o día 2 de febreiro a Ainara Rguez., magnífico cuarto posto acadado (Alevín Fem.), o equipo Infantil Fem que se proclamou subcampión (Laura, Alejandra, Kholoud, Sela, Mayra e Saula), e o campión cadete Dani Alvarez.
Equipo Infantil Feminino
Campión cadete masculino
I XORNADA DE DINAMIZACIÓN INTERCENTROS DEPORTIVA
Enviado por Anónimo o 29 Novembro, 2018 - 22:46Mañá venres 30 de novembro imos desprazarnos ata o CEIP de Rebordáns coas clases de terceiro, cuarto e sexto de educación primaria para participar na primeira xornada de dinamización deportiva e de convivencia intercentros escolares.
Os nosos alumn@s van estar xogando a balonmán, bádminton, xadrez, voleibol, baloncesto e fútbol sala.
Sen dúbida van disfrutar a tope participando e o máis importante coñecendo amig@s novos e facendo do deporte e os xogos unha xornada de convivencia e amizade.
SUSPENDIDO E APRAZADO ATA QUE AS CONDICIÓNS CLIMATOLÓXICAS O PERMITAN O CAMPIONATO ZONAL DE CAMPO A TRAVÉS NO CONCELLO DO ROSAL
Enviado por Anónimo o 5 Novembro, 2018 - 13:40O próximo sábado 24 de novembro en horario de mañá terá lugar o Campionato zonal de Campo a Través escolar.
Este ano será no concello de O Rosal, nun circuito preparado no lugar de "A Canosa" (San Miguel de Tabagón) a carón do río Miño.
Poderán participar tod@s @s nen@s que queiran a partir de segundo de primaria ata a ESO.
Esta proba forma parte do programa de XOGADE do presente curso, nesta modalidade deportiva, e nela poderán participar tanto alumnado dos colexios da zona como integrantes dos clubs de atletismo da mesma.
PRAZO DE INSCRICIÓN
Se debe confirmar os inscritos o MARTES 20 de Novembro no colexio, xa que o prazo da organización remata o mércores 21.
NORMATIVA
Participantes
Poderán participar todos os atletas en idades comprendidas dentro das categorías, que estean escolarizados nos centros educativos da nosa zona (concellos de Salceda, Tui, Tomiño e O Rosal) ou que teñan ficha nos clubs deportivos rexistrados tamén na nosa zona.
Permitirase excepcionalmente a participación doutros atletas que non cumpran estes requisitos, pero a súa clasificación non computaría para consecuencias posteriores (participación en campionato provincial).
E requisito imprescindible en todo caso e para todos os participantes estar inscrito e mutualizado en XOGADE, co seguro deportivo correspondente.
Tamén é requisito imprescindible facilitar á Agrupación Deportiva Baixo Miño os datos necesarios para participación de cada neno ou nena: nome e apelidos, colexio ou club de representación, data de nacemento e nº de mutua deportiva de XOGADE. A xestión das autorizacións para facilitar esta información corresponde aos centros e clubs implicados.
As carreiras
Celebraranse 8 carreiras, participando en cada unha delas as distintas categorías e sexos:
NOTA: Os horarios e as distancias sonas definitivas. Cada atleta deberá estar como mínimo 30 minutos antes do inicio da súa carreira para por o dorsal diante da camiseta do colexio, estudar o percorrido e facer o quecemento.
Saída do Bus desde o CEIP DE GUILLAREI |
9.00 Horas |
||
CATEGORÍA |
ANO DE NACEMENTO |
DISTANCIA APROXIMADA |
HORARIO APROXIMADO |
Benxamín feminino |
2010-2011 |
600 metros |
10.30 |
Benxamín masculino |
2010-2011 |
600 metros |
10.40 |
Alevín feminino |
2009-2008 |
800 metros |
10.55 |
Alevín masculino |
2009-2008 |
1.200 metros |
11.10 |
Infantil feminino |
2006-2007 |
1.200 metros |
11.25 |
Infantil masculino |
2006-2007 |
1.700 metros |
11.40 |
Cadete feminino |
2004-2005 |
1.700 metros |
12.00 |
Cadete masculino |
2004-2005 |
3.100 metros |
12.30 |
Entrega de medallas e trofeos |
13.15 |
||
Fin da xornada e regreso no bus |
13.35 |
||
Chegada ao colexio |
14.05 |
Clasificados
Haberá dúas clasificacións en cada categoría: individual e por equipos.
Na clasificación individual se ordenan por orde de chegada a meta, contabilizándose neste listado todos os atletas que completen a carreira. Non se contabilizan tempos.
Haberá medallas para os dez primeiros clasificados.
Para clasificar por equipos, terase en conta o posto obtido polos catro primeiros de cada centro ou club, sumando os puntos correspondentes a eses postos. O equipo con menos puntos é o gañador. Na categoría cadete (masculino e feminino) contabilizaranse a estes efectos os tres primeiros atletas de cada equipo.
Haberá trofeos para os tres primeiros equipos de cada categoría.
Transporte
Dende o Servizo de Deportes establecerase un servizo de transporte en autocar dende os centros participantes (non para os clubs) e regreso ao finalizar a xornada.
Quen asista polos seus propios medios, terá que aterse ás instrucións das autoridades ou da organización da proba no lugar a efectos do estacionamento dos seus vehículos, dadas as características do lugar, zona sensible de protección na REDE NATURA 2000.
Custo para os participantes
A actividade está incluída no programa de XOGADE da Secretaría Xeral para o Deporte, e por tanto,é totalmente gratis para os participantes, tanto pola súa inscrición como pola súa cobertura de seguro deportivo, polo avituallamento ou polo seu transporte.
Avituallamento
A organización ten previsto facilitar aos participantes bocadillo e auga, así como unha ración de chocolate quente. Todas as persoas con intolerancias alimentarias deberán comunicar previamente nos seus centros educativos ou clubs tal circunstancia, para procurar dende a organización facilitar refrixerio alternativo. En todo caso non é obrigatorio este refrixerio para a organización.
Animádevos a participar.
Magosto 2018
Enviado por Anónimo o 5 Novembro, 2018 - 13:20Magosto 2018
MARTES 13 de Novembro a partir das 10.30 no torreiro da festa de Guillarei.
Este ano terá o seguinte programa:
10:45 II Carreira Solidaria para axudar ao banco de alimentos de SOS Tomiño-Baixo Miño (podedes traer LEITE e CACAO xa durante estes días ao colexio). A carreira ten espíritu participativo e solidario e tamén participarán mestr@s, alumnado e as familias que se animen a correr ou camiñar un pouco.
Animádevos e vir a participar fomentando así o deporte e a solidaridade
12:00 Obradoiros de xogos populares galegos.
13:00 Tempo de comer castañas.
Carreira de Orientación deportiva no recinto escolar
Enviado por Anónimo o 1 Novembro, 2018 - 22:27O alumnado de sexto curso realizou unha actividade de Orientación Deportiva no colexio.
Esta proba esta englobada no programa Máis e mellor actividade física, relacionando as materias de Ciencias e E.Física, reforzando contidos como os puntos cardinais, traballo en parellas, organización espacial, uso de mapas, etc.
CAMPO A TRAVÉS EN GUILLAREI
Enviado por Anónimo o 1 Novembro, 2018 - 21:40Carreira de Campo a través ao lado do noso colexio no torreiro da festa de Guillarei. Esta carreira vai destinada ás clases de segundo e terceiro de primaria. Van participar os colexios dos concellos do Baixo Miño de Salceda de Caselas, Tui, Tomiño e O Rosal.
Seran en horario lectivo e primaráse a participación de toda a clase e a inclusión.
Colexios inscritos para esta primeira carreira: CEP Altamira, CEIP de Rebordáns, CEIP de Guillarei, CEIP de Pazos de Reis, CEIP de Randufe, CEIP N1, CEIP N2, CEIP de Sobrada, CEIP de Tebra, CEIP de Barrantes, CEP Pedro Caselles e CEIP Pintor A. Fdez.
O venres, día 16 de novembro, celebraremos a primeira actividade global deste curso cunha novidade: un campo a través específico para alumnado de segundo e terceiro de primaria.
Será en horario lectivo, e o sistema de competición favorece a integración de todo o alumnado: soamente haberá clasificación por equipos, e cada equipo estará formado pola totalidade do alumnado dunha clase (independentemente do seu número).
Orientación Deportiva en familia en Redondela
Enviado por Anónimo o 23 Outubro, 2018 - 18:00O pasado sábado un grupo de alumnas de sexto curso e familias participaron na IV Carreira de Orientación deportiva nocturna na vila de Redondela.
Sen dúbida foi unha experiencia divertida e emocionante.
Parabéns a tod@s os participantes.
Iniciación a Orientación Deportiva
Enviado por Anónimo o 15 Outubro, 2018 - 17:15Tras o éxito acadado o pasado domingo na eurocidade Tui e Valença, o próximo sábado 20 de outubro animamos a participar na carreira de orientación de Redondela. É gratis para os nen@ menores de 15 anos e podese facer en familia.
Importante as inscricións rematan este mércores as 22 h.
g