En vista da evolución da pandemia mundial provocada pola Covid-19, agardamos que para o próximo curso 2022-23 podamos ir retomando a normalidade. Con tal fin, a ANPA do cole ofertará distintas actividades. Para consultar toda a información, podedes premer nos enlaces da seguinte presentación.

Lembrar que a posibilidade de poder levalas a cabo sempre estarán supeditadas á situación epidemolóxica do momento en que se teñan que poñer en práctica.

Os pasados días 12 e 13 de maio, celebramos no cole un festival para celebrar o día das Letras Galegas 2021 adicado a Xela Arias.

Celebrouse en dúas quendas para asegurar as distancias de seguridade e manter os grupos estables de convivencia.

Por falta de algunha documentación necesaria para poder publicar as actuacións do alumnado, non puidemos subir á web as magníficas actuacións don nenos e nenas do cole. Unha vez solventados os problemas, aquí tedes os vídeos das actuacións.

Agardamos que vos gusten tanto como a nós. Disfrutade delas.

A continuación podedes consultar a información relativa ás axudas de libros de texto e material escolar premendo nos distintos enlaces.

O prazo de presentación de documentación é ata o próximo 22 de xuño.

As modalidades de presentación da documentación están explicadas na circular.

NOTA ACLARATORIA

A reserva de comedor e transporte para o curso 2021-22, que se pode entregar ata o día 4 de xuño, é para todo o alumnado matriculado no centro.

Esta reserva afecta ao alumnado usuario no curso 2020-21 e ao alumnado que queira solicitalo para o curso 2021-22. 

O alumnado de nova matrícula deberá solicitalo no oeríodo de formalización entre o 20 e o 30 de xuño.

O alumnado usuario dos servizos de transporte e comedor no curso actual 2020-21, deberán facer a reserva para o curso próximo 2021-22.

1. Para realizala deberán seguir os seguintes pasos:
2. Imprimir e cubrir a solicitude de reserva (podedes descargala no enlace de abaixo).
3. Adxuntar o documento acreditativo de incompatibilidade horaria de traballo para facer a baremación en caso de ser necesario.
4. Presentar ambos documentos no centro en horario de secretaría entre o 24 de maio e o 4 de xuño (ambos inclusive).

A non presentación de dita reserva considerarase como renuncia ao servizo.

Para descargar o modelo de solicitude, premede na seguinte imaxe:

Bo día.

Un ano máis o CEIP Gonzalo Torrente Ballester vai a participar nunha nova edición do concurso "Cantando coas mans" convocado pola FAXP. Será a IV edición que foi retomada este ano despois de ter que suspendela o ano pasado por mor da pandemia.

Para consultar a bases, podedes premer no seguinte enlace:

IV edición concurso cantando coas mans.

Agradecer ao alumnado e ás familias pola vosa participación.

NOTA IMPORTANTE

Rematado o prazo de presentación de solicitudes de praza para o curso 2021-22, en virtude do Art.9 do Decreto 245/2012 que regula a admisión do alumnado en centros sostidos con fondos públicos, ao non existir máis solicitantes que prazas ofertadas, CONSIDÉRANSE ADMITIDAS TODAS AS SOLICITUDES presentadas.

Lembrade que os admitidos deben formalizar a matrícula do 20 a 30 de xuño.

NOTA IMPORTANTE ACLARACIÓN ADMISIÓN NOVO ALUMNADO

É preciso traer cubertos os datos da renta no apartado de baremación.

Instruccións de cálculo:

1.- Mirar na declaración da renda do ano 2019.

2.- Sumar as casillas 435+460.

3.- No caso de facer a declaración por separado habería que facelo coas dúas e despois sumar o resultado.

4.- Este resultado divídese entre os membros da unidade familiar obtendo así a renda per cápita.

NOTA INFORMATIVA

Modificouse o documento de solicitude de Admisión de no alumnado. Xa está correxido. Podedes descargalo da presentación publicada na web no seguinte enlace:

http://www.edu.xunta.gal/centros/ceipgonzalotorrentecambre/node/528

Lamentamos os problemas que este cambio puidera ter causado ás familias.

O proceso de admisión de novo alumnado, comezará o próximo día 1 de marzo.

Para consultar toda a información referida a dito proceso, podedes vela na seguinte presentación.

O horario de atención ás familias que fagan a solicitude no centro, deberán facelo en horario de secretaría.

O horario de secretaría é o seguinte:

• De luns a venres de 9:35h. a 10:20h.
• Luns de 16:30h. a 17:30h.