Plan Director para a convivencia e a mellora da seguridade nos centros educativos e nos seus contornos para o curso 2024/2025
A Delegación do Goberno en Galicia anuncia que durante todo o curso 2024-2025 volven estar dispoñibles para centros educativos e AMPAS-AFAS, charlas impartidas por axentes e expertos das Forzas e Corpos de Seguridade do Estado, a través do Plan Director para a convivencia e a mellora da seguridade nos centros educativos e os seus contornos.
Este Plan contempla, entre outras accións, formacións que versan sobre temáticas relacionadas coa protección de menores e adolescentes e o seu dereito á seguridade persoal, tratando problemáticas como a ciberseguridade, o acoso escolar, as drogas e o alcol, as novas adiccións, os delitos de odio e discriminación ou a prevención dos delitos sexuais.
A Alta Inspección de Educación, coa colaboración da Consellería de Educación, Ciencia, Universidades e Formación Profesional da Xunta de Galicia, coordina o Plan Director, que neste curso amplía a oferta de charlas formativas e informativas destinadas ao alumnado e profesorado, poñendo énfase na prevención da violencia sobre a muller e as actitudes discriminatorias por razón de xénero. Trátase tamén de seguir incrementando o número de familias asistentes ás charlas, con novos formularios de solicitude e accións destinadas a seguir aumentando a participación.
Para poder participar a ANPA anéxase a seguinte documentación no adxunto.
Solicitude ANPA
Carta do Delegado
Instrución Nº6/2023 da Secretaría do Estado de Seguridade
Datos de contacto
| Adxunto | Tamaño |
|---|---|
| Solicitude_plan_director_anpas_gal. | 81.5 KB |
| Carta_delegado_gal | 87.2 KB |
| Instruccion_no_6_2023_secretaría_de_estado_de_seguridade | 1.25 MB |
| Datos_contacto_plan_director_gal | 119 KB |
