CEIP FROEBEL

XXII Intercambio coa Scoula Cavour de Catania

Estimadas familias:

Xa quedan poucos días para a visita do alumnado italiano ao noso centro e temos moita ilusión en desenvolver este proxecto de intercambio coa Scoula Cavour de Catania do mellor modo posible.

Así, estas xornadas de encontro serán unha oportunidade para desenvolver competencias clave en situacións reais de aprendizaxe, non só nas lingüísticas do alumnado senón tamén en moitas competencias transversais en relación a nosa cultura, e ás habilidades persoais e sociais. Con esta referencia vos presentamos agora os programas de traballo tanto en Pontevedra coma en Catania; onde realizaremos actividades, visitas e obradoiros que esperamos sexan unha gran experiencia tanto para o noso alumnado como para o equipo de docentes e estudantes que veñen a coñecer o noso centro educativo.

Finalmente, non podemos esquecer o traballo realizado polas familias do noso centro que son as responsables de que este intercambio se leve a cabo un ano máis. Dende o equipo docente queremos agradecervos a vosa implicación e a colaboración mostrada en todo momento. Moitas grazas!

Charla coloquio con Belén Montesa Lou

Estimadas familias:

Quixéramos anunciarvos que o próximo luns día 11 imos a ter un encontro moi especial no noso centro.

Grazas á colaboración do CFR de Pontevedra e a súa liña de acción "Escola de nais e de pais", poderemos convidar a psicóloga Belén Montesa Lou a unha charla centrada no Acompañamento aos menores nun mundo dixital.

Somos conscientes de que o benestar emocional dos nosos fillos e fillas está moi condicionado polo uso que se fai dos diferentes dispositivos dixitais. Neste contexto actual, onde internet e as novas tecnoloxías están producindo uns cambios sociais de inmensa envergadura, os pais e as nais deberemos de ser un exemplo, un estímulo e unha referencia para este acompañamento na súa educación.

Contar coa información e o asesoramento de Belén Montesa vai a ser unha oportunidade para aclarar moitas das dúbidas que temos neste tema, nun tempo de reflexión que será de gran utilidade para toda a comunidade educativa.

Esperámosvos o próximo luns ás seis da tarde.

Recibide un cordial saúdo.

O equipo directivo.

blogue de Equipo directivo

Vacantes para o próximo curso

Bo día:

De acordo coa normativa que regula o proceso de admisión de alumando, comunicamos as vacantes dispoñibles para o próximo curso 2024/25.

Igualmente, informamos do horario para tramitar as solicitudes e resolver calquera cuestión en relación a este procedemento.

Recibide un saúdo cordial.

O equipo directivo.

blogue de Equipo directivo

Escolarización Ordinaria para o curso 2024-2025

Estimadas familias:

Achegamos información que xa está publicada nos taboleiros do centro onde se explica o procedemento que regula o proceso de admisión para o próximo curso así como a normativa de referencia.

No día de mañá publicaremos as vacantes dispoñibles así como o horario de secretaría para a entrega das solicitudes.

Recibide un saúdo cordial.

O equipo directivo