Estimadas familias:
Quixéramos comunicarvos que o noso centro foi seleccionado para participar co alumnado de 6º no programa de inmersión lingüística a través de actividades dixitais.
Este programa xurde da necesidade de adquirir competencias que lles permitan traballar en equipo, desenvolver o seu espírito crítico e habilidades comunicativas na lingua inglesa.
https://www.edu.xunta.gal/portal/node/37906
Deste modo, o alumnado participante neste campamento contará con actividades formativas non só académicas senón tamén que fomenten a actividade física, a socialización e o coñecemento cultural e tecnolóxico cunha metodoloxía adaptada á súa etapa educativa.
- Esta actividade é voluntaria e poderán participar un máximo de 25 alumnos/as.
- Realizarase en réxime de internado no Albergue Xuvenil de Gandarío (Bergondo).
- As datas son do 9 ao 15 de outubro.
- As familias encargaranse da organización do traslado do alumnado ao centro residencial así como da súa recollida ao seu remate. A Consellería e os centros educativos non asumirán os gastos derivados destes desprazamentos.
Dado o carácter reducido das prazas concedidas debemos establecer os seguintes pasos para confirmar a listaxe de alumnado participante:
1. A condición inicial é ter aprobada a área de lingua inglesa no pasado curso.
2. Comunicarase por escrito ao titor/a dos vosos fillos/as o interese en participar en dita actividade; de acordo coas condicións establecidas na Resolución do 29 de xuño de 2022. (https://www.edu.xunta.gal/portal/sites/web/files/29_06_22_digitalweek-publicos_final_asinada.pdf)
3. De ser maior o número de solicitudes recibidas que as prazas concedidas, realizarase un sorteo este mércores día 21.
Esperando que sexa do voso interese esta iniciativa, aproveitamos a ocasión para enviarlles un cordial saúdo,
O equipo directivo