CEIP Fondo Nois

O pasado 10 de setembro realizamos unha saída á praia dos Xuncos, dando a benvida ao novo curso escolar e así gozar do bo tempo e da natureza. Pasámolo moi ben!

Achegamos o modelo de autodeclaración do comedor para o curso 21-22.

As autodeclacións entregaranse no Centro. O prazo remata o 03/09/2021, pero é aconsellable a súa entrega antes do 09/07/2021.

-A autodeclaración farase en base ao EXERCICIO FISCAL 2020

-Non hai que presentar a copia da Declaración da Renda, xa que esta autodeclaración é unha declaración baixo xuramento pola que se autoriza á Consellería de Educación a contrastar os de residencia e renda.

-Recorde cubrir todos os datos que se piden dos membros da unidade familiar e de asinar a declaración, deberán asinar: solicitante, cónxuxe e fillos maiores de idade.

Podedes descargar o impreso e as intrucións no documento anexo ou recollelo no centro.

Ola a todos e todas!

Como punto final deste curso dende Dinamización da Lingua Galega realizamos un #DígochoEu con algúns castelanismos que usamos diariamente. Se che apetece averiguar cales incluimos preme na imaxe para ver o ben que o fixeron o alumnado de todos os cursos de Educación Primaria.

Bo verán!!

 Dende a biblioteca, deixámosvos algúns dos traballos realizados polo noso alumnado durante a Semana das Letras Galegas.

• VIDA E OBRA DE XELA ARIAS, realizado polos nenos e nenas de 1º de Primaria, onde debuxaron cada un dos momentos máis importantes da vida da autora.

• AS NOSAS FRAGAS, realizado polos nenos e nenas de 2º e 3º de Primaria, onde imaxinaron a súa fraga “ideal” en referencia ao relato de Xela Arias “A fraga dos paxaros faladores e a fraga leopardicia” co que gañou o certame creado pola Agrupación O Facho da Coruña no ano 1973, con só 11 anos.

Mosaico de Xela Arias realizado coas caricaturas feitas polos nenos e nenas do colexio.