Santiago, 21.12.2016.- O viveirense Iván Vale resultou ganador no concurso musical da Televisión de Galicia 'Este Nadal, canta con nós', ao que se presentaron un total de 47 pezas de distintos estilos. O xurado do premio elixiu o tema “O meu Nadal perfecto”, que Iván Vale acompañou dun videoclip, no que a súa canción, vital, optimista e cunha mensaxe propia destas datas, vai interpretada tamén en lingua de signos. 

Ademais da dotación económica, o premiado verá como as canles públicas contribúen a difundir o seu traballo, tanto a través da TVG e a Radio Galega, coma nos seus soportes dixitais.

No concurso de Nadal da Televisión de Galicia, podían participar tanto solistas coma grupos, con temas orixinais ou versións doutros. De temática completamente libre, as pezas tiñan que estar cantadas en lingua galega e ser inéditas.

Podes ollar o videoclip completo aquí.

CRTVG