Prezadas familias:

Seguindo o establecido no calendario de admisión de novo alumnado para o curso 2022-2023, xa está á vosa disposición o listado das novas alumnas e novos alumnos admitidos provisionalmente. Pola normativa de protección de datos este listado será exposto, unicamente, nos taboleiros do interior do centro. As persoas interesadas poden tamén contactar coa nosa secretaría (886 120 115) e solicitar a situación dos alumnos e alumnas neste proceso de admisión. Conforme ao artigo 17 do Decreto 13/22 que regula este proceso de admisión, as familias poderán interpoñer reclamación, ante o Consello Escolar do centro, no prazo de cinco (5) días dende a publicación do listado ou a notificación. En todo caso, ante calquera dúbida prégase contactar co centro. Un saúdo cordial do equipo educativo.

Dende o noso cole e para conmemorar, co gallo do próximo 8 de marzo, a importancia e os dereitos reais das mulleres na nosa sociedade temos escollido este precioso e enxebre homenaxe de "Tanxugueiras" para representala en Lingua de Signos. Sigamos camiñando cara a igualdade.

Prezadas familias:

Neste apartado tedes, á vosa disposición, o calendario de solicitude de prazas e de formalización de novas matrículas para o vindeiro curso 2022-2023. Facer"clic" na imaxe para acceder ao documento. Se tedes algunha dúbida, contactade coa nosa secretaría (886 120 115). Recibide un cordial saúdo.

Visita a páxina de Escolas Vigo do Concello de Vigo para coñecer as datas do proceso de Admisión, as Zonas Educativas e as Fichas Informativas de cada centro. (fai clic na imaxe)