Prezadas familias, prezadas escultoras e prezados escultores:

O curso escolar 2023-2024 chega ao seu final. Agora toca descansar, desfrutar en familia do verán e aproveitar para recrearse coas vosas aficións favoritas. Dende o equipo educativo (persoal docente e non docente) queremos agradecer a vosa colaboración ao longo deste curso para seguir crecendo nunha comunidade escolar comprometida coa responsabilidade, coa cooperación, coa convivencia positiva e co esforzo colectivo.

O centro estará aberto, de xeito presencial ata o luns 15 de xullo , para atender todas as cuestións administrativas necesarias. Do 16 ao 31 de xullo a atención será resolta a través do noso correo electrónico (ceip.escultor.acunha@edu.xunta.gal).

Veña, a desfrutar con alegría dun estupendo verán. Vémonos no comezo do próximo curso 2024-2025, que será o mércores, 11 de setembro.

Feliz verán, Escultoras e Escultores

Prezadas familias:

Xa está aberto o prazo para solicitar as diversas axudas de libros de texto ( 1º e 2º de primaria), Programa Solidario Fondo Libros ( 3º a 6º de primaria) e material escolar para toda primaria ( 1º a 6º ) que xestiona a Consellería de Educación.

A) Hai dúas formas de presentar a solicitude:

a.1) Telemáticamente: accedendo á páxina de acceso ao Programa Fondo Libros, cubrindo a solicitude e presentala na Sede Electrónica da Xunta. Este proceso necesita usuario con certificado e sinatura dixital.

Enlace web: Solicitudes online

a.2) Presencialmente no centro educativo: cubrindo a solicitude ( na aplicación online ou no centro) e presentando e asinando os documentos requeridos.

Enlace web: modelo 330 B (solicitude)  

 B) Prazos para solicitar as axudas:

O prazo límite para solicitar estas axudas é o venres 21 de xuño de 2024.

 C) Enlace ao texto normativo da convocatoria:

Orde do 7 de maio de 2024

D) Cadro básico das axudas (cuantías)

Cadro resumen das tipoloxías de axudas e as súas cuantías

Agradecemos a todas as familias que teñan dúbidas , contacten coa nosa secretaría ( 886 120 115)  para axudarlles a  supervisar este proceso.

Prezadas familias:

Informamos que, no presente curso 2023-2024, retómanse as Probas de Avaliación Diagnóstica (PAD) nos centros educativos en todo o estado español. As probas, que teñen como obxecto avaliar o estado das competencias académicas do alumnado de 4º curso de Educación Primaria e 2º curso da ESO, versarán sobre as competencias lingüísticas ( lingua galega, linga castelá, ingles e francés en 4º curso) e serán realizadas os vindeiros mércores 10 e xoves 11 de abril ao longo de toda a xornada escolar. Trala realización da corrección das probas, os centros educativos informarán ás familias do resultado xeral das probas en cada competencia avaliada a nivel de centro , non do alumnado individualmente. Os resultados servirán para elaborar plans educativos, nas áreas susceptibles de mellora. Para información máis precisa, facede "clic" na imaxe o contactar coas persoas tiroras de 4º curso. Moitas grazas