Estimadas familias,
Informámovos de que no presente curso 2019/20, por mor do incremento de familias usuarias do servizo de comedor, haberá días nos que a demanda supere o aforo de 50 persoas por turno.
Co fin de respectar dito aforo e garantir a boa marcha do servizo, a ANPA, a Dirección do Centro e Jardanay decidimos implantar o sistema de Turno Corrido. Este sistema consiste en dividir o servizo en dous turnos: O primeiro á hora e co aforo habituais (50 persoas ás 14:30h) e o segundo, o Turno Corrido, no que entrarán a comer as nenas e nenos restantes a medida que vaian terminando os do primeiro turno.
Aínda que o alumnado que constituirá o Turno Corrido será preferentemente o de máis idade, observaranse as súas necesidades e particularidades (hora de saída, ritmo de comida, etc) e se fóra o caso, reubicaranse no primeiro turno aquelas nenas e nenos que o precisen. En calquera caso, estarán acompañados en todo momento do persoal de Jardanay e agardarán a entrada ao comedor no patio ou na aula de música.
Dado que o número de persoas que excede o cupo é pequeno, consideramos que a implantación deste sistema non repercutirá no día a día da prestación do Servizo.
Para calquer dúbida ou suxestión, falade connosco ou dirixídevos ó correo anpabrexolema2013@gmail.com
Moitas grazas pola vosa atención. A ANPA En Brexo-Lema, a 20 de setembro de 2019
