CEIP Emilio González López

Boas familias! Hoxe quérovos mostrar o blogue da profe Gemma e os seus alumn@s de 5º de Primaria “enclase.enredo.eu”. Nel atoparedes diferentes vídeos, post e xogos sobre o que están facendo na aula, ademais de vídeos explicativos das diferentes leccións das áreas que traballan. Teñen cousas moi chulas é útiles que espero que vos gusten. Botádelle un ollo!!

Véxovos a próxima semana!!

Boas familias! Esta semana tráiovos unha proposta moi musical! Como xa sabedes a nosa querida profe Gloria forma parte do grupo musical Mamá Cabra e no seu canal da plataforma Youtube poderedes atopar dende prácticas de pequenas pezas coa melódica ou a frauta ata pezas musicais da súa colleita. Tamén atoparedes vídeos mostrándonos a súa “fraga” xa que é unha namorada da natureza.

Pasádevos polo seu canal “Gloria Mosquera Roel” e a bailaaarrr!!

Véxovos a próxima semana!!

Seguindo a Resolución do 1 de setembro de 2020 o alumnado incorporarase de xeito gradual:

O día 10 de setembro incorporarase o alumnado de 4º e 5º de educación infantil; 1º, 2º e 3º curso de educación primaria.

O día 11 de setembro incorporarase (engadíndose aos anteriores) o alumnado de 6º de educación infantil e 4º, 5º e 6º curso de educación primaria.

Estimadas familias,

Dende o centro estamos a traballar para que a volta ás aulas dos vosos/as fillos/as sexa o máis segura posible. Nesta primeira semana habilitaremos na web un espazo con todos os documentos que establecerán a organización e funcionamento nesta situación.

NOTAS:

*Regresamos ás aulas o xoves 10 e o venres 11 de setembro (Resolución do 1 de setembro de 2020).

*A entrega de libros de texto do fondo (alumnado de 3º, 4º, 5º e 6º de Educación Primaria) prevista para o venres 4 posponse a vindeira semana.

*Estade pendente da web do centro para estar informados.