Os pasados venres 28 de setembro e 5 de outubro, mestres/as e alumnos/as puidemos desfrutar dunha divertida actividade de contacontos e dun obradoiro de creación de personaxes de contos respectivamente.
O contacontos versaba sobre as aventuras duns peixes mariños moi particulares e pretendía concienciar ós nenos e nenas sobre a importancia de non tirar lixo nas praias, mentres que o obradoiro xiraba en torno a diferentes contos clásicos para logo os cativos e cativas crear as súas propias personaxes con masa feita de fariña e colorantes.
Estas actividades leváronse a cabo grazas á colaboración da Biblioteca Municipal de Leiro e enmarcáronse dentro do programa "Ler conta moito".
(Ver imaxes na galería)
