Desexamos que disfrutedes vendo o festival de entroido DE CINE, deste 2024. Grazas a todas as familias por acompañarnos nese día.

 VÍDEO RESUMO ENTROIDO 2024

Podedes ver a continuación un breve resumo das actividades que se realizaron polo DÍA DA PAZ.

Xogando pola memoria: científicas e inventoras

Achégase o entroido e o vindeiro luns comezamos cos mandatos do MECO, que neste curso 23-24 teñen moita relación co proxecto anual de centro: O CINE.

Queremos recordar que son mandatos NON ACUMULATIVOS, e que, na medida do posible, as familias manteñades a intriga do mandato do seguinte día, pois as nenas e nenas descoñecen o que lles pide o MECO para o día seguinte, será TODO UNHA SORPRESA!

Tamén achegamos o programa para o día 9 de febreiro, FESTA DE ENTROIDO.

Esperámosvos para pasar ese día con nós. Será un día de CINE!

No pasado curso escolar 2022-2023, o alumnado de 6º de Educación Primaria participou no Pim Pam Experimenta 2023, onde acudiron aos estudos de gravación da TVG como concursante deste programa científico.

Xa podedes ver este é outro programas doutros centros educativos na canle xabarín.gal, onde se están a emitir.

Desexamos que disfrutedes co visionado!

"Non hai camiño para a paz: a paz é o camiño"

 - Mahatma Ghandi -

O 30 de xaneiro celébrase este día, dedicado a conmemorar nos centros educativos unha cultura de non violencia e paz. A educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz son motivos para lembrar o 30 de xaneiro.

E nese Día da Paz, os centros educativos comprométense como defensores da paz e entendemento entre persoas de distinta procedencia e modos de pensar.

Nese día celébrase o aniversario da morte do Mahatma Gandhi (India, 1869-1948), líder pacifista que defendeu e promoveu a non violencia e a resistencia pacífica fronte á inxustiza e que foi asasinado por defender estas ideas.

Unha educación inspirada nunha cultura de non violencia e paz permite ao noso alumnado adquirir coñecementos, actitudes e competencias que reforcen o seu desenvolvemento como cidadáns globais críticos e comprometidos cos seus dereitos e os doutras persoas. (Texto da páxina de UNICEF).

Ademáis do cartaz informativo das actividades deste día, deixamos o baile que todas as nenas e nenos do centro están a preparar na materia de música, por se queren dende os fogares seguir ensaiando o baile, onde as familias tamén podedes ser partícipes. 

Xunto coa celebración do Magosto con todas as familias, este día tamén se celebrou no colexio o Día do Peón, onde o alumnado elaborou os seus peóns e bailaretes para intercambiar logo entre o alumnado do centro e tamén co CEIP Pluringüe Mosteiro de Caaveiro, o cole do Concello da Capela.

Foi unha experiencia moi enriquecedora para todos e da que disfrutamos moito.

Xa sabedes que como di o dito: Polo San Martiño, Peóns ao camiño!

Este Nadal queremos aportar o noso gran de area dende o centro e queremos facelo colaborando coa ASOCIACIÓN COMETA, organización sen ánimo de lucro que dende o 2004 fai un traballo incansable polo benestar dos animais da zona de Narón e arredores. O seu obxectivo principal é protexer e cuidar aos animais que se abandoan, maltratados ou que se atopan en situación de risco.

Deixamos a continuación a forma de participar dende o centro.

Tamén vos deixamos a programación do centro para este días.