FONDO LIBROS
SOLICITUDES DE AXUDAS PARA MATERIAL ESCOLAR, LIBROS DE TEXTO E FONDO SOLIDARIO DE LIBROS DE TEXTO PARA ALUMNADO DE EDUCACIÓN PRIMARIA PARA O CURSO 2024/2025
PRAZO DE PRESENTACIÓN DA SOLICITUDE
21 de maio ao 21 de xuño de 2024.
QUEN PODE PRESENTAR SOLICITUDES?
- Fondo solidario de libros de texto a 3º, 4º, 5º e 6º de educación primaria.
- Axudas para adquirir libros de texto a 1º e 2º de educación primaria.
- Axudas para adquirir material escolar destinadas ao alumnado matriculado en educación primaria.
No caso de irmáns no mesmo centro, presentarase unha única solicitude.
Edixgal: (no noso centro o alumnado de 5º e 6º participa no proxecto EDIXGAL polo que só opta ao vale de material escolar).
COMO PRESENTAMOS AS SOLICITUDES?
As solicitudes poderanse presentar dos seguintes xeitos:
- Mediante a aplicación FONDO LIBROS. Hai un manual de instrucións no aplicativo.
- Presentación na Sede Electrónica da Xunta de Galicia. Buscar e cubrir o procedemento ED330B e anexar a documentación solicitada.
- Presentación no centro: presentación no centro do procedemento ED330B debidamente asinados xunto coa documentación precisa.
DEVOLUCIÓN LIBROS DE TEXTO CURSO 2023/2024.
Os libros de texto de 3º e 4º de primaria deberán ser devoltos antes do 21 de xuño de 2024.
QUE DOCUMENTACIÓN TEÑO QUE PRESENTAR?
- Solicitude ED330B (preme para descargar)
- DNI ou NIE
- Certificado do grao de discapacidade recoñecido pola Xunta de ser o caso.
- Percepción de pensión por incapacidade ou outras causas de ser o caso.
- Copia do libro de familia ou equivalente onde figuren todos os membros computables. No caso de separación ou divorcio deberán achegar a sentenza xudicial e/ou o convenio regulador onde conste a atribución da custodia do/a menor.
- Certificado acreditativo do grao de discapacidade, de ser o caso.
- No caso de que o/a solicitante non posúa DNI ou NIE deberase acreditar o número de membros computables empregando algún dos seguintes medios:
- Copia do libro de familia.
- Certificado ou volante de convivencia ou informe dos servizos sociais ou do órgano equivalente do concello onde resida a familia.
- Documentación xustificativa nos casos de violencia de xénero de ser o caso.
- Resolución xudicial de incapacitación con patria potestade prorrogada ou rehabilitada, de ser o caso
- Resolución administrativa ou xudicial acreditativa da situación de acollemento ou certificado do centro de menores para o alumnado en situación de tutela ou garda da Xunta de Galicia.
PUBLICACIÓN DAS SOLICITUDES ADMITIDAS E ENTREGA DE VALES
- Publicación da listaxe provisional de solicitudes admitidas e excluídas:24 de xuño.
- Período de reclamación: durante os 2 días seguintes á publicación das listaxes provisionais.
- Publicación da listaxe definitiva de solicitudes admitidas e excluídas: 27 de xuño.
- Recollida dos vales para todo o alumnado de Educación Primaria:Poderán recoller os vales o día 28 de junio. Se non son recollidos ese día poderán ser recollidos a partir do 1 de setembro.
