Xa estamos a tope no centro coa reciclaxe e por fin nos chegou esta illa de reciclaxe pola nosa participación no Plan Proxecta "RECICLATE CON SOGAMA" durante este curso escolar. Este é o primeiro paso para a consecución do obxectivo "COLEXIO RESIDUOS CERO". Sabemos que é complexo pero cada día un pouquiño máis preto!
Illa de reciclaxe cos contedores de PLÁSTICOS (amarelo), PAPEL E CARTÓN (azul), FRACCIÓN RESTO (verde) e ORGÁNICOS (gris).
Axuda visual para saber que vai en cada contedor. (Autor: Mans de ouro)
Xa que estamos a aprender moito sobre a regra das 3R( reduce, reutiliza e recicla) creamos no corredor, ao lado da biblioteca, un expositor con ECO-LECTURAS, que nos axudarán a coñecer máis sobre como podemos por o noso gran de area para o coidado do medioambiente e do noso centro.
Estamos comezando a pensar se o que vamos tirar pode ter unha segunda vida, e se non a ten, saber onde tiralo.
Grazas a tenda SALACADULA, que nos donou este precioso expositor onde puidemos crear o noso recuncho verde!!
Aquí vos deixamos algunhas recomendacións de libros da nosa biblioteca para traballar a igualdade e para coñecer mulleres relevantes na nosa sociedade moitas veces invisibilizadas e infravaloradas. Cambiemos iso e aprendamos delas! 
