DONAS DE SÍ

Durante esta semana tivemos o pracer de contar no centro con 4 charlas organizadas pola ANPA e desenvoltas polo Pequeno Besbello sobre violencia de xénero, micromachismos e roles de xénero nas que o alumnado de primaria, mediante actividades diversas, puxeron a súa cabeza a funcionar e analizar o mundo que nos rodea e as inxustizas que nel acontecen día a día. Agardamos este tipo de actividades sexan un gran de area para unha sociedade máis igualitaria.

O alumnado de infantil pola súa banda estivo a traballar sobre a violencia de xénero mediante o conto "Arturo e Clementina" que explica dunha forma moi clara este concepto tan abstracto aínda para o alumnado máis cativo.

E a sorpresa era esta! Unha das mamas do noso centro é xornalista, e non podiamos deixar pasar esta oportunidade sen invitala ao centro a que nos viñera contar todo sobre o mundo do xornalismo.

Tiñamos moitas ganas de que viñera xa que o alumnado tiña unha morea de preguntas que facerlle, e a súa visita foi increíble.

As nosas pequenas e pequenos de infantil puideron descubrir as ferramentas que empregan os xornalistas para traballar e investigamos e buscamos pistas de noticias para continuar coa nosa labor de xornalistas.

O alumnado de primaria estivo a escoitar e a xogar con todas as historias e anecdotas que Vanesa nos quixo contar, descubrindo como era o traballo antigamente dun xornal (coas máquinas de escribir e coas ferramentas máis tradicionais) e como evolucionou ata o día de hoxe coas ferramentas tecnolóxicas actuais.

E como bos xornalistas non pararon de preguntarlle moreas de preguntas sobre a universidade, os seus artigos, as súas experiencias no traballo.

Moitísimas grazas Vanesa por vir ao noso centro e facernos pasar unha xornada tan boa, na que aprendemos e o pasamos ben a partes iguais.

Hoxe, 24 de febreiro conmemoramos nos centros escolares galegos o día de ROSALÍA DE CASTRO, unha das autoras máis claves da literatura galega, como moitas outras mulleres do pasado, do presente e de seguro do futuro, deixou unha impronta na historia que non debe ser esquecida xamais.

Este ano, para conmemorala o alumnado está a realizar tarefas artísticas (realización dun mural nunha das paredes de entrada ao centro) e audiovisuais (creación dunha animación dun poema de Rosalía empregando a técnica de STOP MOTION).

Pero como nos gusta o traballo ben feito, e somos moito de darlle voltas, estamos a demorarnos no remate, pero deixamósvos aquí un trailer adianto da película que o alumnado de 4º, 5º e 6º de primaria está a coordinar e no que todo o alumnado do centro está a formar parte.

Non vós perdades o estreo da película final!