blogue deCEIP Plurilingüe de Toques

MENÚ NOVEMBRO 2021

Mar, 02/11/2021 - 17:53 — CEIP Plurilingü...

1 adxunto

COMEZAMOS O PFPP - PLAN DE FORMACIÓN PERMANENTE DO PROFESORADO

Lun, 01/11/2021 - 19:00 — CEIP Plurilingü...

AS MESTRES E MESTRES TAMÉN APRENDEMOS

O noso centro presentou un ano máis un plan de formación permanente do profesorado para desenvolver durante este curso escolar.

Este ano a totalidade do profesorado do centro participará no mesmo, ampliando as liñas de traballo, que durante este curso serán as seguintes:

Plan dixital (PDC)
Edixgal - Educación dixital
Plambe - Plan de mellora das bibliotecas escolares
Desenvolvemento sostible e saúde - Contratos programa.

Este martes demos comezo á formación para coñecer como traballar por proxectos, desenvolver o noso PDI e continuar a formarnos nas mellores metodoloxías para por en práctica co noso alumnado e tentar cada día facelo un chiquiño mellor.

Foto do claustro coa docente e relatora ALICIA NIMO. MOITÍSIMAS GRAZAS POLA TÚA AXUDA!

TOQUIÑA SEGUE DE VIAXE!

Lun, 25/10/2021 - 09:01 — CEIP Plurilingü...

DÍA DAS BIBLIOTECAS 2021

Lun, 25/10/2021 - 08:49 — CEIP Plurilingü...

O día 24 de outrubro é o DÍA DAS BIBLIOTECAS, e no noso centro queremos moito á nosa biblioteca. Nela rimos, descubrimos, divertímonos, aprendemos, relaxámonos...unha morea de sensacións xeramos día a día na nosa biblioteca.

Por iso celebramos este día realizando unha gran hora de ler, no que compartimos lecturas e risas cos contos lidos, enchendo o centro de voces murmurantes e pequenas/os lectores, e logo puidemos desfrutar dun mago, grazas ao Concello, organizado para celebrar este día, na Aula da Natureza.

Mago Pedro Bugarín na Aula da Natureza de Toques

Hora de Ler na biblioteca

GOING GREEN!

Lun, 25/10/2021 - 08:44 — CEIP Plurilingü...

No cole este curso queremos dar un paso máis, e si, as nosas pequenas e pequenos son grandes expertas e expertos en reciclaxe, así o demostrou o alumnado de 1º a 6º de primaria que participaron nas charlas que recibimos este xoves sobre as 3R (reducir, reusar e reciclar) así como realizar compostaxe, algo que pronto comezaremos a facer no centro dentro do proxecto do comedor "Comedor residuos 0".

Alumnado de 1º, 2º e 3º de primaria

Alumnado de 4º, 5º e 6º de primaria

ROBÓTICA E PROGRAMACIÓN - EXTRAESCOLAR NA BIBLIOTECA DO COLE

Xov, 14/10/2021 - 18:00 — CEIP Plurilingü...

Este mes damos comezo ás extraescolares, e no centro organizamos esta actividade para o alumnado de 1º, 2º e 3º e tamén 4º, 5º e 6º.

Nesta ocasión vemos como o alumnado de 1º, 2º e 3º de primaria comeza a dar os seus primeiros pasos no mundo da robótica e a programación comezando por actividades sinxelas coas que traballar a súa visión espacial, lateralidade e pensamento abstracto, dado que temos que introducir paso a paso o que queremos que faga o noso robot DOC. Traballaremos durante o primeiro trimestre de curso con este tipo de actividades, sacando o maior proveito posible ao noso robot!

O alumnado de 4º, 5º e 6º está a traballar do mesmo xeito estes aspectos tan importantes para comezar a traballar a programación co programa web LIGHTBOT, empregando os seus portátiles. Avanzan rápido, pronto poderemos comezar co noso proxecto de DIGICRAFT!