BIBLIOTECA PDI: "Toquiña arredor do mundo"

Este mes damos comezo ás extraescolares, e no centro organizamos esta actividade para o alumnado de 1º, 2º e 3º e tamén 4º, 5º e 6º.

Nesta ocasión vemos como o alumnado de 1º, 2º e 3º de primaria comeza a dar os seus primeiros pasos no mundo da robótica e a programación comezando por actividades sinxelas coas que traballar a súa visión espacial, lateralidade e pensamento abstracto, dado que temos que introducir paso a paso o que queremos que faga o noso robot DOC. Traballaremos durante o primeiro trimestre de curso con este tipo de actividades, sacando o maior proveito posible ao noso robot!

O alumnado de 4º, 5º e 6º está a traballar do mesmo xeito estes aspectos tan importantes para comezar a traballar a programación co programa web LIGHTBOT, empregando os seus portátiles. Avanzan rápido, pronto poderemos comezar co noso proxecto de DIGICRAFT!

Un ano máis no centro realizamos dentro do período lectivo a HORA DE LER, 20 minutos destinados todos os días a desfrutar deste gran hábito. Este curso podemos de novo realizalo na biblioteca, así como realizar actividades que botávamos moito de menos como as LECTURAS COMPARTIDAS, nas que os máis veteranos/as do centro comparten contos cos máis cativos/as. Eso sí, mantendo as medidas de precaución e distancia precisas para tal fín.

E a sorpresa era esta! Unha das mamas do noso centro é xornalista, e non podiamos deixar pasar esta oportunidade sen invitala ao centro a que nos viñera contar todo sobre o mundo do xornalismo.

Tiñamos moitas ganas de que viñera xa que o alumnado tiña unha morea de preguntas que facerlle, e a súa visita foi increíble.

As nosas pequenas e pequenos de infantil puideron descubrir as ferramentas que empregan os xornalistas para traballar e investigamos e buscamos pistas de noticias para continuar coa nosa labor de xornalistas.

O alumnado de primaria estivo a escoitar e a xogar con todas as historias e anecdotas que Vanesa nos quixo contar, descubrindo como era o traballo antigamente dun xornal (coas máquinas de escribir e coas ferramentas máis tradicionais) e como evolucionou ata o día de hoxe coas ferramentas tecnolóxicas actuais.

E como bos xornalistas non pararon de preguntarlle moreas de preguntas sobre a universidade, os seus artigos, as súas experiencias no traballo.

Moitísimas grazas Vanesa por vir ao noso centro e facernos pasar unha xornada tan boa, na que aprendemos e o pasamos ben a partes iguais.

Hoxe, 24 de febreiro conmemoramos nos centros escolares galegos o día de ROSALÍA DE CASTRO, unha das autoras máis claves da literatura galega, como moitas outras mulleres do pasado, do presente e de seguro do futuro, deixou unha impronta na historia que non debe ser esquecida xamais.

Este ano, para conmemorala o alumnado está a realizar tarefas artísticas (realización dun mural nunha das paredes de entrada ao centro) e audiovisuais (creación dunha animación dun poema de Rosalía empregando a técnica de STOP MOTION).

Pero como nos gusta o traballo ben feito, e somos moito de darlle voltas, estamos a demorarnos no remate, pero deixamósvos aquí un trailer adianto da película que o alumnado de 4º, 5º e 6º de primaria está a coordinar e no que todo o alumnado do centro está a formar parte.

Non vós perdades o estreo da película final!

Estas semanas adicamos o noso Club de Letras a traballar nunha investigación sobre a vida e causas defendidas por Malala Yousafzai.

Valoramos a importancia da educación, a situación de desigualdade que se vive en lugares deste mundo, onde un dereito dado por feito no noso día a día como é a asistencia a escola e a educación non se respecta, poñendo trabas para chegar ao coñecemento e ao desenvolvemento e crecemento persoal de moitas nenas e nenos en determinados países. 

Todas as investigacións e traballo que o alumnado de 4°, 5° e 6° de educación primaria está a facer formará parte dun mural colaborativo co gallo da celebración do día da Paz no centro.