Complementarias

Hoxe celebrase o día da música, e no centro, grazas ao Concello de Toques que organizou esta actividade, acudimos á Aula da Natureza e puidemos desfrutar dun concerto de música clásica, conocendo da man do grupo Keilin Ensemble a vida e obra do gran músico Tchaikovsky, creador de grande obras como El lago de los cisnes, La Bella durmiente ou El Cascanueces.

Alguén se preguntou que andabamos facendo a semana pasada no cole para festexar o Samaín? Aquí tedes un video onde podedes ver un anaquiño do ben que o pasamos a semana pasada!

O día 24 de outrubro é o DÍA DAS BIBLIOTECAS, e no noso centro queremos moito á nosa biblioteca. Nela rimos, descubrimos, divertímonos, aprendemos, relaxámonos...unha morea de sensacións xeramos día a día na nosa biblioteca.

Por iso celebramos este día realizando unha gran hora de ler, no que compartimos lecturas e risas cos contos lidos, enchendo o centro de voces murmurantes e pequenas/os lectores, e logo puidemos desfrutar dun mago, grazas ao Concello, organizado para celebrar este día, na Aula da Natureza.

Mago Pedro Bugarín na Aula da Natureza de Toques

Hora de Ler na biblioteca

Este mes damos comezo ás extraescolares, e no centro organizamos esta actividade para o alumnado de 1º, 2º e 3º e tamén 4º, 5º e 6º.

Nesta ocasión vemos como o alumnado de 1º, 2º e 3º de primaria comeza a dar os seus primeiros pasos no mundo da robótica e a programación comezando por actividades sinxelas coas que traballar a súa visión espacial, lateralidade e pensamento abstracto, dado que temos que introducir paso a paso o que queremos que faga o noso robot DOC. Traballaremos durante o primeiro trimestre de curso con este tipo de actividades, sacando o maior proveito posible ao noso robot!

O alumnado de 4º, 5º e 6º está a traballar do mesmo xeito estes aspectos tan importantes para comezar a traballar a programación co programa web LIGHTBOT, empregando os seus portátiles. Avanzan rápido, pronto poderemos comezar co noso proxecto de DIGICRAFT!