blogue deCEIP Plurilingüe de Toques

AXUDAS DIRECTAS AO ALUMNADO USUARIO DO COMEDOR ESCOLAR

 PRAZO DE PRESENTACIÓN DO 31 DE MARZO AO 6 DE ABRIL

 Segundo a Orde do 27 de marzo de 2020, a Consellería de Educación, Universidade e Formación Profesional abre unha convocatoria para solicitar axudas de compensación do custo do menú diario para o alumnado usuario do servizo de comedor dos centros educativos de ensinanzas obrigatorias. O outorgamento das axudas realizarase de xeito directo, sen concorrencia competitiva.

Destinatarios

• As axudas van dirixidas ás familias do alumnado usuario do comedor que teñan gratuidade total ou as que son pagadoras de 1€.

• No caso de usuarios que teñan a gratuidade total do comedor recibiran un aboamento de 2,50€ por día, e no caso do usuarios que deban abonar 1€ recibiran unha compensación de 1,50€ día.

• Este 1º pagamento realizarase polo período do 16 de marzo ata o 3 de abril. No caso de prorrogarse a situación do Estado de Alarma realizaríase un 2º pagamento cos días a compensar.

Presentación de solicitudes

 A presentación pódese facer das seguintes formas:

• A través da sede electrónica da Xunta de Galicia, para os que teñades Chave 365 ou Certificado dixital. Pulsa AQUÍ para acceder á sede electrónica. (https://sede.xunta.gal). O código do formulario é ED601B - Ayuda extraordinaria comedores escolares.

• Enviando un correo electrónico ao centro (ceip.toques@edu.xunta.gal), co seguinte formulario cuberto. PINCHA AQUÍ PARA ACCEDER AO FOMULARIO e á ORDE.(ao final da Orde)

• Se non dispós de medios informáticos ou tes dificultades técnicas, así como para calquera dúbida, chama ao teléfono do centro 881960400.

Rematado o prazo de presentación ( o 6 de abril) a resolución das solicitudes presentadas sairá nun máximo de 10 días. Logo da publicación da resolución os pagos realizaranse nun período máximo de 5 días.

Se queres botarlle un ollo aos números antigos do Papagaio, podes acceder ao seu formato dixital premendo na seguinte imaxe. Desfrutade!

A Xunta de Galicia emite un comunicado para o cese das actividades lectivas, complementarias e extraescolares nos centros de ensino da comunidade, durante 14 días naturais, comezando o luns 16 de marzo. 

A Consellería de Educación, Universidade e Formación Profesional ven de informarnos das medidas que serán de aplicación nos centros educativos, as que podedes acceder premendo na seguinte ligazón:

http://www.edu.xunta.gal/portal/medidas-coronavirus

Así mesmo, a actualización destas medidas iniciais foi colgada na mesma dirección web, especificando instruccións máis concretas para a organización dos centros escolares. 

O profesorado seguiremos a facer un seguimento telemático do alumnado, e todas aquelas familias que o desexen poden contactar co centro empregando as ferramentas que temos para ese fin:

• Tlf: 881 96 04 00
• Correo electrónico: ceip.toques@edu.xunta.es
• Abalar Móbil: para mensaxería co profesorado e titoras/es.
• Aula Virtual: subiremos as tarefas para que as realice o alumnado mentres dure a suspensión.
• Outras directrices dos titores/as de cada grupo.

Deixamos tamén unha infografía con información relevante e de interese para a comunidade educativa. Gracias pola vosa colaboración. Manterémosvos informadas/os.

DÍA DA PAZ 2020

 Este ano o día da Paz adicamosllo as emocións, a pensar en todas as inxustizas e discriminacións que acontecen día a día na nosa sociedade e ao noso arredor.

Creamos o noso mural de "Gotiñas da Paz" co que queremos que todos os nosos bos desexos sexan gotiñas que sumen no noso día a día.

Logo vimos curtametraxes que nos fixeron pensar en como a veces nos comportamos, como nos sentimos ante as inxustizas hacia nós ou hacia outras persoas, como a veces temos que poñernos no sitio dos demais para saber como se sinten.

Podedes ver a continuación dúas das curtas que traballamos na aula.