Complementarias

Este curso voltamos a participar no programa de recollida de pilas e baterías PILABOT, programa co que seguimos a concienciar ao alumnado da importancia dunha boa xestión dos residuos. Poñemos este mes de marzo fIn ao proxecto e satisfeitas/os por poñer o noso grao de area para conservar os nosos ecosistemas tal e como os coñecemos.

A pesar do fin deste programa, no centro continuaremos a ser un punto de entrega de pilas, que levaremos a un punto de recollida cada certo tempo.

Este luns tivemos a sorte de que acudira ao centro Xosé María Santín, neurocirurxian e autor do libro OXÍMORO, veciño de Melide e membro da nosa comunidade educativa.

Un dos produtos finais que estamos a elaborar no proxecto de centro este curso escolar é un libro sobre as problemáticas nos océanos, relacionados cos plásticos, polo que a visita de Santín foi perfecta para aprender como é o proceso creativo, os pasos para escribir un libro e as motivacións que nos levan a facelo cando non somos escritores/as de profesión.

Aprendemos moito da súa experiencia, de como xestionar o noso tempo, do proceso creativo e sobre a importancia da mente e da saúde para acadar calquera obxectivo que nos propoñamos.

Para nós é un orgullo que as familias acudades ao centro a compartir os vosos coñecementos, experiencias e historias, e para as nosas pequenas e pequenos é algo maravilloso poder escoitarvos. Moitisimas grazas Santín por pasar esta xornada con nós.

O que nos gusta facer talleres e obradoiros neste colexio verdade?

Pois este venres tivemos de novo no centro ao equipo de MATRÁCALA, que fixeran con nós un obradoiro de papel reciclado. Desta volta temos algo máis sonoro, un obradoiro de instrumentos de refugallo.

Que é imposible que a nosa basura se convirta no mellor dos instrumentos músicais? Agora xa sabemos que non, que a imaxinación é o límite para reutilizar e reducir a cantidade de residuos que xeramos día a día.

Todo o alumnado do centro puido participar desta actividade en distintas quendas. Aquí vemos unha foto do grupo de educación infantil, 1º e 2º de primaria.