Bo día, rapaces
Esta semana enviamos poucas tarefas nos arquivos adxuntos porque estaredes liados coa realización dos videocontos.
Tamén deberedes gravar e enviar ao email da profe Begoña e ao meu un vídeo de presentación do mural que fixéchedes a semana anterior sobre os plásticos. Facede un esquema previo para organizarvos e ter claro que queredes dicir no vídeo, pensade que é unha presentación como as que solemos facer na clase cando rematamos un traballo grupal. É importante que vos expresedes correctamente.
Por outra banda infórmovos de que xa estamos a preparar a revista escolar, polo que necesitarei algo de material para facer o apartado de 4º curso. Unha das follas tratará sobre o proxecto dos plásticos, polo que utilizarei algunhas fotos que sacamos na aula e tamén as fotos dos murais que enviáchedes a pasada semana.
O outro tema é sobre as medidas preventivas para evitar a transmisión do covid, polo que necesito que enviedes fotos ANTES DO MÉRCORES 20 DE MAIO (sinto a presa pero teño que facer a montaxe):
Lavando as mans: os número 1 e 2 da clase.
Mantendo a distancia social: os números 3 e 4 da clase.
Usando mascarilla: os números 5 e 6 da clase.
Tusindo ou esbirrando no interior do cóbado: 7, 8 e 9 da clase.
Un bico grande!
