Pinchade na imaxe.
O exceso de azucre na dieta infantil pode levar consigo problemas que afectan o metabolismo, o corazón, os dentes e mesmo no rendemento escolar da crianza. Aquí tedes só algúns dos problemas derivados do exceso de azucre na dieta infantil:
1. Aumenta o colesterol e os triglicéridos.
2. Provoca obesidade porque incrementa a achega calórica. A obesidade infantil é o principal problema que afecta ás crianzas de países desenvolvidos. De feito, a OMS (Organización Mundial da Saúde) declarouna hai tempo como epidemia entre a poboación mundial. A obesidade á súa vez conleva moitos outros trastornos, como os problemas de corazón.
3. Pode ocasionar diabetes, a segunda enfermidade crónica máis común na infancia.
4. Non ten ningún valor nutricional xa que carece de vitaminas e minerais o que favorece unha dieta pouco saudable quitando a fame e reducindo a inxesta doutros alimentos.
5. Sobe a presión arterial. Isto, indubidablemente, afecta directamente o corazón.
6. Pode provocar dano pancreático.
7. Favorece a aparición de caries dentais. O consumo excesivo de azucre é unha das principais causas de caries en crianzas cada vez máis pequenas.
8. Hiperactividade, ansiedade e depresión.
9. Falta de concentración. Por tanto, causa tamén de baixo rendemento escolar.
10. Enfermidades cardíacas.
Cristina González Hernando. Redactora de Guiainfantil. com
