Lectura e Familias

MELLOR COMEZO...IMPOSIBLE! FORMACIÓN ÁS FAMILIAS

Como xa sabedes o centro foi seleccionado pola Consellería de Educación para participar no Proxecto de Polos Creativos. Isto suporá unha mellora nas instalacións do centro e por suposto na dotación de material dixital e tecnolóxico para o alumnado e a súa formación.

Dentro do proxecto presentado polo centro, inclúense unha serie de sesións que están destinadas ás familias. O pasado martes celebrouse a primeira.

Contamos cunha primeira parte, na que se falou da aplicación Abalar e o seu funcionamento. Fou unha charla curta e sinxela onde as familias puideron resolver as súas dúbidas sobre enviar e recibir mensaxes, mirar as notas, xustificar as faltas ou pedir unha titoría.

A segunda parte da formación foi impartida polo asesor de AMTEGA, "Harold" no que nos dou a coñecer o formato de ensino E-Dixgal e o seu funcionamento.

Unha xornada agradable de información, charla e resolución de dúbidas.

CONTINUARÁ...

%count lecturas

AQUÍ GOZAMOS DA LECTURA!

Presentámosvos a última das actividades do progama de Lectura e Familias.

Foi marabilloso compartir este novo proxecto de Lectura e Familias xunt@s. Sen vós non sería posible.

Facemos unha parada e vos esperamos o vindeiro curso para seguir esta fermosa viaxe.

Graciñas pola vosa participación!

Contaxiade o desexo de ler!

%count lecturas

AGASALLO DAS ASESORÍA DAS BIBLIOTECAS ESCOLARES

Estamos rematando e temos un agasallo de parte das bibliotecas escolares para algunhas familias participantes do programa Lectura e Familias.

Moitísimas grazas á Asesoría de Bibliotecas Escolares por esta sorpresa!

E familias, non perdades a oportunidade... Contade moito!

%count lecturas

MISIÓN... BANDA DESEÑADA

Tepo e Tepa lanzaron unha misión para as familias de 3º, 4º, 5º e 6º de primaria.

Tratábase de completar cun texto as bandas deseñadas.

Pasádevos pola biblioteca e veredes que historias tan curiosas conseguiron!

Sodes xeniais!

Graciñas por participar!

Premede na portada para ver un avance.

%count lecturas

ILUSTRAMOS... ADIÓS RÍOS, ADIÓS FONTES

Enmarcado no programa Lectura e Familias, dentro das actividades de Lendo Xunt@s, as familias de educación infantil, 1º e 2º de primaria ilustraron coas súas creacións o poema de Rosalía, Adiós ríos, adiós fontes.

Na biblioteca poderedes ver o libro co poema completo e os debuxos.

Parabéns familias polas vosas achegas!

%count lecturas

O CONTO QUE PERDEU AS PALABRAS

Presentámosvos as adaptacións que fixeron as familias de 1º e 2º de primaria, do conto Ricardo, o escultor do escritor Gianni Rodari e da ilustradora Montse Tobella.

Non podemos estar máis orgullosos de vós!

Todas as historias estarán na biblioteca dispoñibles para que poidades lelas con calma.

Aquí vai un avance... Seguro que vos encanta!

Premede na imaxe. Descubriredes unha sorpresa...

%count lecturas

PAULA CARBALLEIRA: CONTAR PARA O SÉCULO XXI

Ola, familias!

Enmarcado no programa Lectura e Familias o martes 10 de maio ás 16:30 horas recibimos na nosa biblioteca a Paula Carballeira.

Paula Carballeira é licenciada en Filoloxía Hispánica e dedícase profesionalmente ao teatro e a narración oral.

Vainos ofrecer o obradoiro "Contar para o século XXI" e mostraranos estratexias para que contar contos sexa unha actividade en familia do máis pracentera.

Non podedes faltar!

%count lecturas

A NOSA POESÍA PREFERIDA

A poesía e o debuxo atópanse e dan como resultado a gravación deste vídeo enmarcado no proxecto Lectura e Familias.

Preme na imaxe para visualizalo.

Parabéns ás familias participantes de 3º e 4º de primaria!

%count lecturas

ENTREGA SEMANAL DE BOOKTUBERS

Despois duns días sen novas recomendacións, arrincamos a semana con dúas propostas.

Non perdades detalle!

Xosé Cotovad de 2º de primaria quere mostrarvos Compas y el diamantito legendario.

E de novo os irmáns Lucas e Marta González de 3º e 6º de primaria cos seus monicreques, queren recomendar El capitán Calzoncillos y el perverso plan del profesor Pipicaca.

Esperamos con moitas ganas máis achegas!

%count lecturas

OBRADOIRO CON CHARO PITA: "ABRAZAR COAS PALABRAS"

Ola familias!

Enmarcado no programa Lectura e Familias, o martes 8 de marzo ás 16:30 horas temos o pracer de recibir na nosa biblioteca a Charo Pita.

Charo Pita é escritora, actriz e contacontos galega. Ten unha gran experiencia en obradoiros de lectura expresiva e narración oral. Nesta ocasión vainos ofrecer o obradoiro “Abrazar coas palabras”.