AXUDAS ADQUISICIÓN LIBROS DE TEXTO CURSO 2023-2024

FONDO SOLIDARIO E AXUDAS PARA A ADQUISICIÓN DE LIBROS DE TEXTO E MATERIAL ESCOLAR – CURSO 2023-2024

Estimados pais e nais

Comunicamosvos que no DOG do venres, 19 de maio, saiu publicada a orde pola que se convoca a participación no fondo solidario e as axudas para a adquisición de libros de texto e material escolar para o curso 2023-2024.

Podedes atopar as solicitudes na secretaría do centro ou picando no seguinte enlace. Tamén estará dispoñible no portal educativo http://www.edu.xunta.gal, así como na sede electrónica da Xunta de Galicia http://sede.xunta.gal(ED330B) .

Recoméndase a tramitación telemática da solicitude a traves da sede electrónica.

• BENEFICIARIOS: Alumnado de 1º, 2º, 3º,4º,5º e 6º de Primaria no curso 2022-2023

• PRESENTACIÓN DE SOLICITUDES: Dende o 20 de maio ata o 21 de xuño na Secretaría do Centro ou presentación electrónica. Presentarase unha solicitude única para todos os fillos que estean admitidos no mesmo centro no curso 2022/2023.

FONDO SOLIDARIO DE LIBROS DE TEXTO PARA TODO O ALUMNADO DE 3º, 4º, 5º E 6º

IMPORTE DAS AXUDAS PARA LIBROS DE TEXTO (SÓ 1º E 2º ED. PRIMARIA): Hasta 6000 € de renta per cápita 240€ Entre 6000,01 € e 10000€ 160€

IMPORTE DAS AXUDAS PARA O MATERIAL ESCOLAR (TODO O ALUMNADO DE Ed. Primaria): Hasta 6000€ de renta per cápita 75€ Entre 6000,01 € e 10000€ de renta per cápita 60€

Para calcular a renta per cápita da familia sumaranse os recadros 435(base impoñible xeral) e 460(base impoñible do aforro) da declaración da renda de 2021e o resultado dividirase entre o número de membros da familia. (Situación persoal e familiar a 31 de decembro de 2020, agás no relativo a violencia de xénero).

• DOCUMENTACIÓN A PRESENTAR:

• Solicitude de axuda, (anexo I , pode recollerse na secretaría do centro)

• Anexo II – comprobación de datos dos membros da unidade familiar

• Fotocopia do libro de familia no que figuren todos os membros da unidade familiar. Se a situación familiar non coincide coa reflectida no libro en día 31 de decembro de 2021, entón, sentenza xudicial de separación ou divorcio e/ou convenio regulador onde conste a custodia do causante ( se a custodia e compartida deberán figurar ámbolos dous proxenitores, certificado ou volante de convivencia ou informe dos servizos socias que acredite a situación familiar.

• Certificado grao de discapacidade.

• No caso de situación de violencia de xénero no ámbito familiar: documentación acreditativa.

O alumnado incluido no Proxecto de Educación Dixital (E-DIXGAL) no curso 2023/2024(5º e 6º Ed. Primaria) estará excluido do fondo solidario pero terá dereito á axuda para adquirir material escolar

Os alumnos de 3º, 4º, 5º e 6º que reciban libros de texto do fondo solidario, terán a obriga de conservalos en perfecto estado para incorporalos ao rematar o curso escolar 2022/23 a un fondo solidario do centro (banco de libros) que permita a súa reutilización nos seguintes cursos académicos (artigos 5.1 e 5.2).

O prazo máximo para a devolución dos libros de texto do ano 2022-2023 será o 21 de xuño