Blogues
LISTADO DE LIBROS E MATERIAIS PARA O CURSO 2024 - 2025
Enviado por ros.rod o Xov, 27/06/2024 - 20:21
BIBLIOTECA EN SMARA. ¡POR FIN: "EL NIDO"!
Enviado por ros.rod o Ven, 27/01/2012 - 10:16Neste mesmo mes, adiantabamos en "Cadernos de 5º e 6º" o noso compromiso co Proxecto "Coñecernos para querernos". Un fermoso proxecto no que moitos nenos, nenas, e mozos e mozas, da man das Bibliotecas de ensino público de Ferrolterra, traballarán para intercambiar con outros nenos das mesmas idades, nos campamentos de refuxiados do Sahara, experiencias e vivencias. Tentaremos amosar a nosa realidade falándolles de como é a nosa vida, os nosos costumes, as nosas festas, a nosa paisaxe, a tradición, a música... Onte recibimos un correo de Gonzalo Moure contándonos que, por fin hoxe, se faría realidade un soño, despois de anos moi duros e de moito esforzo: o NIDO, a Biblioteca pública en Smara.
Untitled from Jaime F. Pola on Vimeo.
Bubisher: un bibliobus para os campamentos de refuxiados saharauis. Xa funcionan dous bibliobuses, e agora, a biblioteca pública. O Bubisher II xa está en Ausserd, o segundo campamento (dos cinco) que queren cubrir.![](http://2.bp.blogspot.com/-Nr1wfujWlyg/Ts1XhSodY-I/AAAAAAAACHg/SgFuDUrhVkA/s400/n1123976178_30120802_811477.jpg)
![](http://2.bp.blogspot.com/-Nr1wfujWlyg/Ts1XhSodY-I/AAAAAAAACHg/SgFuDUrhVkA/s400/n1123976178_30120802_811477.jpg)
Neste vídeo podedes ver unha panorámica de Ausserd:
Dende a Biblio Xoán Farias, noraboa de corazón. Recibide os nosos mellores desexos. Esperamos que esa BIBLIOTECA medre e se faga forte.
OS AMORES DE BRUNO
Enviado por ros.rod o Ven, 27/01/2012 - 10:07"Os amores de Bruno" chegou á nosa Biblioteca voando, voando polo ceo chuvioso. Perdón, en realidade creo que chegou en coche. Andaba eu algo despistada. Hoxe Antón Cortizas deunos unha boa sorpresa facéndonos unha visita ao 3º ciclo, e para colmo non viña só. Viña acompañado de Bruno, Alba, Cobre, Rose, Kome de Dekita Taiyo, Rámal, Océano... Todos eles van a outra escola, "Escola do Arco da vella", pero esta mañá decidiron facer unha escapada con el ata a nosa. Se queredes ver que aconteceu, podedes velo en "Visita sorpresa de Antón Cortizas" no blog "Cadernos de quinto e sexto". "Na escola de Bruno hai nenas e nenos de todas partes e de moitas cores. Lévanse ben, mais ás veces xorden problemas que cómpre resolver con tino, e mesmo hai quen se namora e precisa axuda. Por iso Bruno decidíu abrir unha oficina para aconsellar, ata que se decatou de que el tamén precisaba consellos..." Por se tamén vos interesa, ilustrou este libro Mª del Carmen Ferrín Prieto, que ao igual que Antón, tamén naceu en Ferrol.
![RSS - blogs Distribuir contido](/centros/ceipdepazos/misc/feed.png)