SOLICITUDES PARA MÁSCARAS
Enviado por m.jesusarodriguez o Lun, 11/15/2021 - 16:34SOLICITUDES PARA A DISTRIBUCIÓN DE MÁSCARAS
Informamos que saíu publicada a Orde do 28 de outubro de 2021 (DOG do 12 de novembro de 2021) pola que se regulan os criterios e o procedemento de distribución de máscaras entre o alumnado matriculado en EP, ESO e EE en centros docentes públicos e en centros privados concertados no curso 2021-22.
NON TEN QUE PRESENTAR SOLICITUDE
· Será beneficiario directo das máscaras o alumnado que recibiu o vale de 50 € para a adquisición de material escolar no presente curso.
· Polo tanto agora xa non teñen que presentar ningunha solicitude.
PODERÁ PRESENTAR SOLICITUDE
· Poderá entregar solicitude para as máscaras o alumnado que no seu momento non solicitou a axuda para material escolar e que a renda per cápita (segundo o exercicio fiscal do ano 2019) sexa igual ou inferior a 6.000€.
· Terán que cubrir o impreso que lle facilitaremos no colexio aos que no lo soliciten telefonicamente.
· Presentarase unha única solicitude para todos os fillos que estean no mesmo centro para o curso 2021/22.
·As solicitudes serán asinadas polo pai, nai e resto dos membros da unidade familiar computables para os efectos de renda, excepto nos casos de separación ou divorcio, nos que asinará o proxenitor que teña a custodia do menor. Nos casos de custodia compartida asinarán os dous proxenitores.
PRESENTACIÓN DE SOLICITUDES
· Presentaranse presencialmente no colexio en horario de secretaría (10:50h a 11:40h)
·A solicitude virá acompañada da Copia do libro de familia no cal figuren todos os membros da unidade familiar.
·No caso de non ter libro de familia ou cando a situación familiar, a 31 de decembro de 2019, non coincida coa reflectida no libro, terá que presentarse documentación acreditativa do número de membros da unidade familiar, tales como:
-Sentenza xudicial de separación ou divorcio e/ou convenio regulador onde conste a custodia do causante.
-Certificado ou volante de convivencia.
-Informe dos servizos sociais ou órgano equivalente do concello de residencia, que acredite a situación familiar.
· Prazo de presentación: Ata o 26 de novembro de 2021
ENTREGA DE MÁSCARAS
· Unha vez rematado o proceso de entrega de solicitudes informaráselles do procedemento a seguir polo colexio para a distribución das máscaras.
CALENDARIO ELECCIÓNS AO CONSELLO ESCOLAR
Enviado por rdevesa o Ven, 11/05/2021 - 23:45NO ADXUNTO PODEDES VER AS DATAS DO PROCESO DE ELECCIÓNS AO CONSELLO ESCOLAR, O CENSO ELECTORAL E AS CADIDATURAS PARA O SECTOR PAIS/NAIS.
AVISO IMPORTANTE!
Unha vez finalizado o prazo de presentación de candidaturas para a renovación de postos no Consello Escolar o número de candidatos é o mesmo que o número de prazas vacantes polo que non é necesario seguir co proceso de eleccións quedando deste xeito cancelada a xornada de votacións do día 23 de novembro e proclamando como candidatos electos as persoas presentadas.
Atios, 22 de novembro de 2021
O Director,
Asdo.: Roberto Devesa Fernández
Renovación de parte do Consello Escolar
Enviado por rdevesa o Mar, 11/02/2021 - 19:14De acordo coa RESOLUCIÓN do 20 de setembro de 2021, da Secretaría Xeral de Educación e Formación Profesional, pola que se establece o calendario para a celebración de eleccións de membros dos consellos escolares de centros docentes sostidos con fondos públicos.
OBXECTO E ÁMBITO DE APLICACIÓN:
¿Establecer o novo calendario para a elección dos representantes de familias e profesorado.
- CALENDARIO DE ELECCIÓNS:
-A Xunta Electoral establecerá o calendario
-A Xunta Electoral constituirase entre o 3 e o 5 de novembro.
-O prazo de admisión de candidatas/os non deberá ser inferior a 7 días naturais
-Votacións: Entre os días 22 e 26 de novembro de 2021.
- MEMBROS A RENOVAR:
-Familias: 3 por un periodo de 3 anos
-Profesorado: 3 por un periodo de 3 anos
É importante que haxa membros suplentes para que (no caso de baixas) estén todos os sectores representados de acordó coa normativa.
- SORTEO DOS MEMBROS DA XUNTA ELECTORAL:
-O MÉRCORES 3 DE NOVEMBRO DE 2021 ÁS 12:00 HORAS NA SECRETARÍA DO CENTRO.
-SERÁ PÚBLICO CONTANDO CUN MEMBRO DE CADA SECTOR A RENOVAR.
ACTIVIDADES EXTRAESCOLARES 21-22
Enviado por rdevesa o Mér, 09/22/2021 - 11:43
A partires do luns 11 de outubro o horario de bádminton será de 15:30 a 17:00.
CALENDARIO ESCOLAR 21-22
Enviado por rdevesa o Mér, 09/22/2021 - 11:29
Aquí está o calendario escolar para o presente curso.
O luns 27 de setembro é festivo en Porriño.
O 16 de maio foi elexido polos centros de primaria do Porriño como día non lectivo.
COMEDOR E TRANSPORTE 2021-2022
Enviado por rdevesa o Mér, 07/21/2021 - 14:48O alumnado que fixo entrega das súas solicitudes para o curso 2021-2022 queda admitido para o curso 21-22 (non precisa estar pendente dos listados que están publicados no taboleiro de anuncios do centro)
O alumnado que non entregou no centro o anexo de autodeclaración para a súa solicitude de comedor será usuario de pago completo (4,50 € por día de uso)
Aquel alumnado que solicite transporte ou comedor en setembro corre o risco de quedar sen praza xa que a día de hoxe quedan poucas prazas na liña de transporte da Guía así coma no comedor.
REUNIÓN ALUMNADO 4ºE.I. CURSO 2021/22
Enviado por m.jesusarodriguez o Ven, 06/18/2021 - 12:51REUNIÓN ALUMNADO DE NOVO INGRESO MATRICULADO PARA 4º ED. INFANTIL
Convócase a unha reunión coa titora ás familias do alumnado que se vai a incorporar ao centro en 4º de Educación Infantil para o vindeiro curso escolar (2021/22):
DÍA: 24 DE XUÑO (XOVES)
HORA: 10H.
Non se poderán traer os nen@s e só poderá acudir un proxenitor.
Rogamos aproveiten ese día para traer a formalización de matrícula e a documentación que falta. Está todo detallado no seguinte aviso.
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »