Este xoves, 16 de maio, o alumnado de 4º, 5º e 6º de E.Primaria participou nun obradoiro de regueifas impartido polo grupo "Erre que Erre". 

Da man de dous monitores, Lorena e Antonio, as nenas e nenos destes cursos aprenderon  primeiro a música das regueifas, despois como comezar a improvisar as rimas; e, por último, aplicando a técnica do "leixaprén", como enlazar unhas regueifas con outras. 

Estes diálogos cantados e improvisados, nos que a ironía e o bo humor son os reis da rima, fixeron as delicias das alumnas e alumnos de 4º, 5º e 6º de EP. Ao final do obradoiro, cada grupo, ao berro da palabra "bomba", facía calar ao resto para cantar en alto a regueifa que acababan de inventar. Pasaron un rato moi agradable e desfrutaron un montón con esta actividade á que temos que darlle continuidade pola boa acollida que tivo. 

Obradoiro con 4ºA e 4ºB:

Obradoiro en 5º A:

Obradoiro en 6ºA:

Esta semana, no noso centro, celebramos as Letras Galegas e, para comezar, nada mellor que recibir ao colectivo "Polo Correo do Vento" que nos contou cousiñas da escritora homenaxeada este ano; Luísa Villalta.

Mentres Enrique nos relataba a biografía da escritora, Carlos Taboada debuxaba un mural no que ía aparecendo unha caricatura de Luísa Villalta acompañada daqueles elementos que o seu compañeiro relataba.

Polo medio, Robertiño púxolle música a algúns poemas; entre eles, un de Manuel María, no que todas e todos cantamos o retrouso. 

Para rematar, coa axuda das indicacións do ilustrador deste colectivo, todas as nenas e nenos fixeron a súa propia caricatura de Luísa Villalta acompañada dun pequeno caligrama. 

Grazas a esta xentiña por facernos pasar un momento tan agradable ao profesorado e ao alumnado!!

A semana do 22 ao 26 de Abril celebramos a Semana do libro no noso cole! Fixemos un mural relacionado coa temática anual, "Unha ventá aberta ao mundo", que leva por título "Un conto a bordo". Neste mural amosamos as diferentes procedencias de contos e historias moi coñecidos polos nenos e nenas  cun mapa que conecta, mediante fíos, as maletas da orixe dos contos e a súa portada correspondente, decorados por todos os cursos do centro escolar.

Ademais, as titoras levaron a cabo diferentes actividades relacionadas con esta conmemoración, como marcapáxinas, decoración para as portas da aula...

  

                           

 

E para rematar, o venres os nenos e nenas de 2º e 3º de EP tiveron un obradoiro de poesía con Claudia Castro! 

Este venres, 26 de abril as alumnas e alumnos de 2º e 3º E.Primaria participaron nun obradoiro de poesía impartido por Claudia Castro, autora do libro de poemas "Galicia, o país das marabillas".

Este é o segundo ano que nos visita a escritora e, unha vez máis, o alumnado quedou encantado co seu taller.

Moitísimas grazas Claudia por compartir esta mañá connosco!!

Estas fotografías corresponden ao obradoiro impartido ás nenas e nenos de 2º EP. 

Ao rematar, leváronse un mural para a súa clase moi fermoso, onde colocaron os collages que elas e eles fixeron durante o obradoiro. 

Estas fotografías son do obradoiro de 3º A:

Estas fotos son do obradoiro de 3ºB:

Abrimos este apartado para deixarvos algúns recursos para traballar nas aulas a figura de Luísa Villalta, autora homenaxeada este ano polo Día das Letras Galegas. Iremos engadindo cousiñas segundo nos vaian chegando. 

• Neste vídeo realizado polo Colexio San Pío X de Ourense, as nenas e nenos de 5º de primaria fan un breve repaso pola vida e obra de Luísa Villalta. Nel reúnen dun xeito harmonioso as fermosas ilustracións de Carlos Gallego cos textos do Seminario Galán, aos que elas e eles póñenlle voz.

• Proposta didáctica Luísa Villalta "Fiestras Abertas", elaborada polo grupo de música A banda da Loba. Preme AQUÍ

• Proposta didáctica Luísa Villalta "Cruel filosofía", elaborada polo grupo de música A banda da Loba. Preme AQUÍ

• Recursos didácticos creados polo Seminario Galán. Preme AQUÍ

• Como crear poemas usando a técnica do "centón" ou a dos "haikus". Preme AQUÍ

• Un "genially" moi entretido sobre Luísa Villalta.  Preme AQUÍ para comezar o xogo. 
• A biografía de Luísa Villalta en formato "genially". Preme AQUÍ.

• Libriño con lapelas de Luísa Villalta AFDM. Preme AQUÍ para descargalo.

• Cartaz colaborativo Luísa Villalta AFDM. Preme AQUÍ para descargalo.

• Xogo de cartas "Eu teño...quen ten...?" AFDM. Preme AQUÍ para descargalo.

• Marcapáxinas de Luísa Villalta para pintar AFDM. Preme AQUÍ para descargalos. 

• Libriño "Letras galegas" (amestracris). Preme AQUÍ para descargalo.

Este venres, 15 de marzo, María Canosa achegouse ata o noso centro para ter un encontro coas nenas e cos nenos de E.Primaria. Co alumnado de 1º e 2º falou do seu libro "Unha fábrica de bicos"; co de 3º, de "Lobo Ramón"; co de 4º, de "Rubicundo"; e, co de 5º e 6º, de "Muriel". 

Durante cada sesión, puido contestar as súas preguntas e desvelar algúns misterios como: en quen se inspirou para escribir o libro, de onde sacou o nome do personaxe principal, cantos libros leva publicados, o motivo polo que escolleu un oficio tan estrano para o protagonista... Ao final tivo un momento para asinar os exemplares de cadaquén. 

Moitas grazas María por compartir esta mañá con nós!!

Na semana do 4 ao 8 de marzo conmemoramos a Semana da Prensa na escola, uns días para recordar na aula a importancia do periodismo.

Desta vez, no mural colectivo, simulamos o formato dun xornal dixital, con noticias de diferentes partes do mundo que foron buscadas en diferentes plataformas dixitais.

Cada aula tivo que construir un puzle para formar a imaxe da noticia e traballar co titular.

Ademais, traballouse nas aulas con diferentes xornais en papel e en soporte dixital, realizáronse actividades relacionadas coa prensa, elaboráronse noticias… que amosamos a continuación.

O 8M como día internacional da muller foi adoptado pola Asemblea Xeral da ONU en 1977. A súa orixe está nas manifestacións das mulleres que, especialmente en Europa, reclamaban a comezos do século XX o dereito ao voto, mellores condicións de traballo e a igualdade entre homes e mulleres. 

Aínda que se conseguiron moitos dereitos, temos que seguir loitando pola súa consolidación e avanzando cara unha sociedade cada vez máis igualitaria.

Nesta semana, no noso colexio fixéronse moitas actividades que se foron plasmando en diferentes murais e traballos de aula. 

Deixámosvos aquí unha pequena mostra deles:

Todo o alumnado de E.Infantil realizou este mural:

O alumnado de 6º EP, da sección bilingüe de Plástica, fixeron este traballo:

Deixámosvos aquí algúns recursos que podedes aproveitar para traballar o Día da Muller:

• Pequenas biografías de mulleres galegas e un modelo de ficha para completar. Preme aquí
• Tríptico do blogue da mestra Cris. Preme aquí
• Unidade didáctica para Infantil e Primaria. Preme aquí
• Genially "Quen cociña nos contos". 8 de marzo. Preme aquí
• Proposta de "aulasgalegas.org" para E.Infantil e Primaria. Preme aquí

Este curso, para conmemorar o Día de Rosalía decidimos montar este mural colectivo que leva por título "Viaxamos con Rosalía!". Cada titoría traballou un poema da escritora e despois preparou unha palabra dese poema dentro dun avionciño de papel. Quixemos destacar con este mural a importancia das palabras e así "viaxar" con Rosalía espallando esas palabras por todo o mundo. 

Ademais, apoiamos a proposta da Asociación de Escritoras e Escritores en Lingua Galega (AELG) e moitas clases fixeron un collage coas ilustracións realizadas polas nenas e nenos dos distintos poemas que se traballaron. Aquí vos deixamos unha mostra destes traballos.

 Tamén se están realizando outras actividades relacionadas con esta temática:

Cada alumna e alumno de 6º EP aprendeu uns versos do poema de Rosalía de Castro que leva por título "Adios ríos, adios fontes" e despois recitárono deste xeito. Preme AQUÍ

Déixamosvos un anaquiño do manifesto da AELG no Día de Rosalía de Castro 2024, que este ano encargaron a Carlos Callón e que lle dedica á escritora:

Hai século e medio, unha moza con pouco máis de vinte anos mudou a Historia. Iso de mudar a Historia non é cousa que aconteza todos os días. Ela era consciente de que os seus libros abrían camiños, que con eles “levantaba unha bandeira” da que non ía desertar. De feito, este recanto do mundo chamado Galiza non é o mesmo após Rosalía de Castro. Hai un antes e un despois.

As palabras que lanzou abriron moitos ollos e calmaron moitas sedes. Non é difícil decatarse da sequidade nos beizos desa cultura silenciada por xeracións e xeracións, mesmo con violencia. Na escola —nunca o esquezamos—, a rapazada que usaba a lingua de Follas novas era castigada vilmente.

As palabras de Rosalía dábanlle dignidade e sentido á fala do pobo galego e ás súas vidas sen nome. As traballadoras e os traballadores conseguían un espello para pensar e un altofalante para denunciar os abusos que padecían...