Unha semana de entroido intensa, cos mandados do meco, a visita dos técnicos do IGC sobre hábitos de consumo seguros, e por fin o gran desfile coa temática "A volta ao mundo en 80 días" e en compañía dos colexios do entorno, nun día espectacular no que luciu o sol. Bo entroido para tod@s!!
Chega a Semana do Entroido e publicamos os mandados do meco que serán acumulativos ao longo da semana.
O venres día 17 disfrazarémonos coa temática de "A volta ao mundo en 80 días" de Xulio Verne e celebrarase un desfile amenizado con charanga, xunto cos colexios "Mestre Vide" e "Manuel Sueiro", ás 12:00 h. O percorrido será: Praza do Mestre Vide, Sáenz Díez, Florentino López Cuevillas, Habana, Curros Enríquez e Praza do Mestre Vide.
O luns 30 de xaneiro celebramos o Día da Paz: charla sobre os distintos tipos de pombas, lectura do manifesto redactado pol@s alumn@s de 6º, interpretación da canción "Campás pola Paz" con linguaxe de signos e para rematar a solta das pombas mensaxeiras.
A expresión artística dos nosos antepasados foi o motivo desta exposición do Museo Arqueolóxico na sala de Afundación, na Praza Maior. @s nos@s alumn@s puideron ver moi de preto pezas moi importantes da arqueoloxía galega, labradas en pedra, figurativas, simbólicas ou decorativas da nosa prehistoria.
O pasado 20 de xaneiro visitáronnos varios músicos do Conservatorio para dar a coñecer os seus intrumentos aos alumn@s de Curros, e tamén para animalos a que asistan ao Conservatorio, se queren converterse eles mesm@s en músicos. Os instrumentos dos que puidemos desfrutar foron: trompa, clarinete, acordeón, viola, contrabaixo e frauta de pico. Escoitade...