Entradas recentes

XOGANDO AO ATLETISMO: Benxamín mixto

Dom, 25/02/2024 - 18:48 — admin

O pasado 9 de febreiro acudimos a pista de Expourense para participar no "Xogando ao atletismo", dentro do programa do deporte escolar Xogade.

Asistiron25 alumn@s de 2º e 3º de Primaria, na categoría de benxamín mixto. Competiron en velocidade individual, velocidade por relevos, salto, xabalina, lanzamento de balón lastrado e salto lateral.

A participación foi todo un éxito, tanto polo nivel que demostraron @s atlet@s como polo ambiente lúdico e a convivencia na que se desenvolveron as probas. Esperamos repetir o curso próximo!

127 lecturas

PROGRAMA FROITA E LEITE NA ESCOLA

Xov, 15/02/2024 - 12:00 — admin

Este curso continuamos o Programa escolar de Froitas e Leite, subvencionado polo Fondo Galego de Garantía Agraria (FOGGA).

Repartiremos froita fresca entre o alumnado de Infantil e Primaria co obxectivo de fomentar o consumos destes alimentos no horario lectivo e favorecer a nutrición saudable d@s alumn@s.

A froita repartirase nos recreos durante 10 días consecutivos dende o luns 19 de febreiro ata o venres 1 de marzo.

PEDIMOS A VOSA COLABORACIÓN PARA QUE NESTES DÍAS ADAPTEDES A “MERENDA” DO RECREO.
PROCURAREMOS QUE TODO O ALUMNADO COMA A FROITA DO DÍA.

AVISADE SE HOUBERA ALGUNHA ALERXIA OU INTOLERANCIA.

142 lecturas

ENTROIDO 2024

Dom, 11/02/2024 - 17:57 — admin

Chegou o carnaval e despois de moitos preparativos na casa e no colexio, celebramos o día grande de entroido no colexio. Non puidemos desfilar como estaba previsto debido ó mal tempo, pero aínda así o patio encheuse de colorido cos disfraces de "O mundo das abellas": abellas obreiras, zánganos, raíñas, flores, apicultores, tarros de mel...
Pasámolo moi ben coa amenización da charanga "Nova Terras de Trives" que nos enviou a Concellería de Educación.

141 lecturas

DESFILE DE ENTROIDO 2024

Xov, 08/02/2024 - 12:39 — admin

214 lecturas

ADMISIÓN: XORNADA DE PORTAS ABERTAS 27 FEBREIRO

Lun, 05/02/2024 - 16:34 — admin

O vindeiro martes 27 de febreiro celebraremos unha "Xornada de Portas abertas" para as familias que valoren presentar solicitude de admisión no CEIP CURROS ENRÍQUEZ.

A "Xornada de Portas abertas" comezará ás 16:30 h.

481 lecturas

DÍA DA PAZ 2024

Mar, 30/01/2024 - 12:32 — admin

Como cada 30 de xaneiro, dende o ano 1964 e coincidindo co aniversario do asasinato de Mahatma Gandhi (30 de xaneiro de 1948), celébrase nos centros de ensino o Día escolar da Non-Violencia e da Paz.

O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a Non-Violencia e a Paz. Neste día, os centros educativos convértense en instrumentos de paz e entendemento entre persoas de distinta formación, raza, cultura e relixión.

Cos nosos bancos da amizade e murais, que decoramos co traballo de todo o alumnado do colexio, contribuimos simbolicamente a este gran propósito!!

210 lecturas

ENTREGA DE PREMIOS DO TRIVIAL LITERARIO

Mar, 30/01/2024 - 12:25 — admin

Entregáronse os premios aos mellores lectores de cada ciclo de Primaria que gañaron o concurso de Trivial organizado por Biblioteca Creativa en colaboración con Polos creativos.

192 lecturas

A PATINAR SOBRE XEO!!

Mar, 30/01/2024 - 12:09 — admin

No mes de xaneiro @s alumn@s de 1º a 6º de Primaria asistiron á pista de patinaxe sobre xeo que está situada no Centro Comercial Pontevella. Contamos coa colaboración da ANPA nesta actividade.
Mirade que ben o pasamos!!

165 lecturas

FASE PROVINCIAL CAMPIONATO CAMPO A TRAVÉS 2023

Dom, 17/12/2023 - 20:50 — admin

O pasado sábado 16 de decembro celebrouse nas instalacións de A Veronza en Ribadavia a Final Provincial de Campo a través. Todo un éxito para @s nos@s atletas, xa que Dino Abad Fernández e Manuel Fernández Rodríguez acadaron os postos 20 e 21 na categoría Benxamín masculino.

Noraboa aos dous polos seus excelentes resultados!!!!

85 lecturas

NADAL 2023

Dom, 17/12/2023 - 20:40 — admin

Xa chega o Nadal, e o colexio vístese de gala para recibilo. Este ano e cos traballos aportados pol@s alumn@s montamos este poboado navideño cheo de detalles... Mirade as fotos para comprobalo!!

Cos mellores desexos para toda a comunidade educativa,

BO NADAL E FELIZ ANINOVO!!