|
@s alumn@s de 3º, 4º, 5º e 6º visitaron a exposición da Obra Social ”la Caixa” "O Ártico rómpese". Ten por obxecto mostrar a singularidade dos ecosistemas do Polo Norte, detallando o importante papel que xogan no clima global, así como as súas
características físicas e a súa biodiversidade. E todo isto, a través dun cento de abraiantes fotografías dun dos máis prestixiosos fotógrafos de natureza, Andoni Canela.
Para coñecer máis de preto estes valiosos ecosistemas e valorar a súa importancia, a mostra preséntase dividida en catro ámbitos: o clima ártico, a vida nunha situación extrema, a pegada humana e as luces do norte.
 
|
 |
 |
@s alumn@s de 3º a 6º de primaria participaron nun obradoiro que a Fundación Gas Natural realizou no colexio.
Puideron descubrir a orixe do gas natural, o seu uso como fonte de enerxía, a súa composición e os estados
nos que se atopa.
|
|
En 4º realizamos moitas experiencias que nos demostran que o dito "a experiencia é a nai da ciencia" é totalmente certo. Se queredes participar dos nosos experimentos, entrade na galería de fotografías!
|
 |
|
@s nen@s de 5 anos viaxamos ao Universo e descubrimos planetas, estrelas, constelacións, a lei da gravidade, os movementos da Terra, as fases da Lúa... Tamén traballlamos a obra de Van Gogh "A noite estrelada". Encantounos elaborar os foguetes cos que viaxamos ao espazo. Unha viaxe da que fixemos moitas fotografías e traballos que podedes ver nos seguintes enlaces!!
|
  |
|
No último trimestre do curso os nen@s de 4 anos surcaron os mares no seu navío pirata, e abordaron unha morea de novos coñecementos que gardarán coma se dun tesouro se tratara. Algunhas das xoias dese tesouro quedan retratadas nos atallos que aquí vos presentamos!!
|
 |
No último trimestre do curso @s nen@s de infantil de 3 anos investigaron sobre as abellas e o proceso de produción do mel. Revisade os seus traballos se qeredes aprender máis sobre este rico manxar.
|
|
No mes de xuño @s alumn@s de 5º e 6º foron de excursión para visitar os seguintes enclaves ourensáns: Castro de S. Cibrán de Lás, Piscifactoría do Carballiño e Mosteiro de Oseira. Aínda que o tempo non acompañou, puidemos cumprir todo o programa e pasalo moi ben. Revisade as fotografías e tamén os comics que elaboraron en 5º para recordar as visitas realizadas.
|
 |
 |
Visitounos no centro unha experta da Denominación de Orixe "Mel de Galicia", que lles explicou aos alumn@s de infantil e primaria o proceso de elaboración do mel. Ao finalizar a charla, puideron degustar unha mostra de mel que fixo as delicias de tod@s!
|
 |
No laboratorio de 3º o mesmo estudan a estrutura da flor como montan un viveiro de árbores. A partir de sementes de castiñeiro obterán os exemplares que logo serán transplantados para contribuir á reforestación do noso monte, con especies autóctonas coma o castiñeiro.
|
 |
@s alumn@s de 5º e 6º de Primaria, como nativos dixitais, recibiron unha charla sobre a seguridade na rede, impartida por un enxeñeiro informático ao que fixeron moitas preguntas. Se queredes saber de que falaron, lede as redaccións que atoparedes no enlace.
|
