Entradas recentes

Para o 23 de febreiro, día do nacemento de Rosalía de Castro, creamos coa participación da comunidade educativa e organizado polo ENDLG, o "Xardín de Rosalía". Nel @s nen@s dos distintos ciclos recitaron poemas da nosa gran poetisa.

Este curso continuamos o Programa escolar de Froitas e Leite, subvencionado polo Fondo Galego de Garantía Agraria (FOGGA).

Repartiremos froita fresca entre o alumnado de Infantil e Primaria co obxectivo de fomentar o consumos destes alimentos no horario lectivo e favorecer a nutrición saudable d@s alumn@s.

A froita repartirase nos recreos durante 10 días consecutivos dende o luns 19 de febreiro ata o venres 1 de marzo.

PEDIMOS A VOSA COLABORACIÓN PARA QUE NESTES DÍAS ADAPTEDES A “MERENDA” DO RECREO.
PROCURAREMOS QUE TODO  O ALUMNADO COMA A FROITA DO DÍA.

AVISADE SE HOUBERA ALGUNHA ALERXIA OU INTOLERANCIA.

Como cada 30 de xaneiro, dende o ano 1964 e coincidindo co aniversario do asasinato de Mahatma Gandhi (30 de xaneiro de 1948), celébrase nos centros de ensino o Día escolar da Non-Violencia e da Paz.

O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a Non-Violencia e a Paz. Neste día, os centros educativos convértense en instrumentos de paz e entendemento entre persoas de distinta formación, raza, cultura e relixión.

Cos nosos bancos da amizade e murais, que decoramos co traballo de todo o alumnado do colexio, contribuimos simbolicamente a este gran propósito!!

No mes de xaneiro @s alumn@s de 1º a 6º de Primaria asistiron á pista de patinaxe sobre xeo que está situada no Centro Comercial Pontevella. Contamos coa colaboración da ANPA nesta actividade.
Mirade que ben o pasamos!!